الرقااااد …:1 (7):
مشكله اتعاني منها الامهات وخاصه اللي اول مره يكون عندها بيبي..
مشكلة الرقاد وخاصه في وقت الليل .. اللي يكون فيها البيبي يصيح وما يرقد من الغازات اللي اتزيد عليه في الليل وبالتالي ماشي ارقاد..:1 (7):
حبيت كل وحده اتحط معاناتها … واللي عندها تجربه او فكره لتنظيم النوم لحديثي الولاده يا ريت تعرضها عشان الكل يستفيد منها … يعني متى ينتظم الرقاد وكيف الطريقه وطريقة الرضاعه وتغيير الحفاظ وكم مره؟؟ كله طبعا ليلا كيف يكون ؟؟
ويزاكم الله خير
الصراحة هالمشكلة يعاني منها الكثير
وعن كيفية معالجتي لها
احاول دائما بعد كل رضاعة ان اجشيء الرضيع
واذا كان عنده غازات في الليل ادهنه بمحبرة الاطفال واغطيه زين واسويله تدليك
احيانا على المعدة واحيانا اخرى على الظهر
والتدليك عبارة عن حركات دائرية
واذا زاد الامر اسويله مرضعة ينسون
بالنسبة لي عندي 6 اطفال واصغر واحد عمرها شهر واحد وتنظيم النوم بالنسبة للاطفال مو سهل وما ينتظم الا بعد 3 شهور وياما عانيت لانه كل اولادي ورا بعض ما في فترة راحة وحسب خبرتي في هالمجال الساعة 9 مساء يقوم البيبي شبعان نوم اسبحه وادلكه بزيت الاطفال والعب معاه واحاول انه ما ينام والساعة 11 يكون البيبي تعب ويريد ينام ارضعه واقرا عليه قرآن واهم شي يشبع طبعا راح يصحى مرة وثنتين وثلاث بس شو نسوي كل الاطفال بالعمر هذا نومهم مو منتظم واطفال قليلين اللي ما يتعبون هذا يرجع حسب طبيعة الطفل ولما احس انه البيبي تعبان من الغازات اعطيه شوية ماء الزهر مخفف بشوية ماء وشوية سكر ماء الزهر يريح البطن ويخليه ينام والدكتور كتبلي دوا للغازات اسمه infacol
طبعا الاحسن تسالي الدكتور
وهذا اللي اعرفه واللي عندة معلومات جديدة ما يبخل علينا
وان شاء الله تعبنا عند الله عز وجل ما بيضيع وكله اجر 0
وسلامتكم
.gif "12 (55)")
تسلمين اختي عالرد .. الله يعطيج العافيه على تربية عيالج و يجعلهم من الصالحين ..
يا ريت الامهات الثانيات يتفاعون ويانا …
بالنسبة لي يا أختي احاول قدر الامكان انظم رقاد بنتي
و انظم رقادي وياها …. و لكن لابد من التعب و السهر … كل اليهال تقريبا نفس الحالة .. و هالفترة متعبة للكل … و خاصة البجر اللي اول مرة تمر بهالمرحلة مثلي و مثل الكثيرات …
وايد تمر علي لحظات تعب … ارهاق .. عصبية … قهر … اكتئاب … غضب … بكاء
و في المقابل امر بلحظات و شعور رائع … فرح و سعادة لما اتخيلها كبيرة و تقول لي ماما …
عموما بالنسبة لتنظيم النوم … مع ان مب كل يوم منتظم عندها ….
احاول ما اخليها ترقد عقب الساعة 9 فليل
ارضعها و اتم العب وياها و اتحمل صياحها … لانها وايد تصيح ماشاء الله عليها
عقب اسويلها مساااج مريح بزيت الزيتون … و اخليها شوي
الساعة 11 اسبحها … و اعطيها انفاكول عن الغازات اسويلها حليب و اشربها و عقب خلاص هي من التعب روحها ترقد …. و احاول ارقد وياها …. و بتنش عقب ثلاث او اربع ساعات
ارضعها و ارد ارقدها
ساعات اتم ما ترقد وايد اتعب وياها ….
هالطريقة اتبعها مرات تنفعني و مرات لا …. ههههههههه …. ما شي غير الصبببببببر الصبببببر
لان ساعات اعصب عليها فديتها و اواجعها هههههه فديت روحها لانها تكون متعبة وايد و عقب اندم …..
الله يعينا على تربيتهم