خلونا نستفيد من تجارب بعض ^_^

بحفظ الرحمن..

انا ربيعتي الشهر اللي طاف ماخذه ابر وكلوميد وما شاءالله وحملت …
إذا انتي ريلج ما عنده مشاكل يعني الحمدلله إن شاءالله بتحملين

شوفي حبوبه بخبرج تجربتي

انا الله يسلمج كملت سنتين ماحملت بعد ماكملت كم شهر رحت اشيك شو السبب وقالولي والله هرمون الحليب مرتفع عندج خذت علاج ونزل بس ماكمله شهرين ورد ارتفع وتميت على هالحاله كم شهر ومع هذا خذت كلوميد شهرين ورا بعض الشهر الاول مع ابره التفجير والشهر الثاني ماسويت ابره التفجير ولا صار حمل
قلت بريح فتره وريحت اربع شهور من اي علاج
رحت صوب دكتوره ثانيه لان دكتورتي راحت من المركز وقالتي والله عندج تكيس وهرمون حليب مرتفع
وعطتني حبوب حق الهرمون وجلوفوكاج للتكيس وقالتلي نزلي وزنج عقب انا ما رتحت للدكتوره وتعاملها فقلت بغيرها والصراحه دفعت فلوس وايد للعيادات الخاصه وماشي فايده بس يترسون لي الكيس ادويه ويطرشوني البيت ولا شي فايده

فقررت اتعالج في مستشفى حكومي وفعلن سولي فحوصات شامله وقالتلي الدكتوره عندج ضعف اباضه وعطتني كلوميد الشهر الاول ماحملت وعطتني ثاني مره وحملت ولله الحمد على الشهر الثاني بدوووووووون ابر تفجيريه لانها مب زينه تقول الدكتوره ان الجسم يتعود عليها وما تطلع البويضه من المبيض الا بابره

والحمد الله الله رزقني بتوأم بنوته وولد

بسسسسسسسسسسسسس علاجي مب كل الكلام الي كتبته لج فوق لا

علاجي كان

الدعاء عقب كل صلاه وبين الاذان والاقامه دعاء من داخل قلبي وبكل صدق وعندي يقين ان ربي بيستجيب لدعائي

صلاة قيام الليل مع الاصرار على الدعاء واليقين ان الله بيستجيب لي

اذكار الصباح والمساء

رحت للعمره قبل لا احمل بشهر ودعيت ربي من كل قلبي وصحت وتوسلت تحت بيته ودعيت ان الله يرزقني توم وعندي يقين من كل قلبي ان الله بيستجيب وسبحان الله بعد شهر بالضبط حملت وبتوم ولله الحمد

حبوبه الادويه والعلاجات كلها اسباب لكن المرزق رب العالمين

خذيها نصيحت مجرب ادعي ربج ليل نهار من قلبج وايقني ان الله يجيب الدعوه ولا تحاتين وتفكرين ونصيحه عيشي حياتج دام ماعندج يهال من تحملين يسد تعب الحمل والياهل ياخذ من وقت امه كل الوقت الريل مسكين

اشبيعي ريلج حب وحوطي واستانسي ولا تفكرين لان رزقج بإن الله في الطريق بس يباله دعاااااااااااااء من خالص قلب ربي ما اخر حملج الا عشان يسمع دعائج

ودايما رددي لا اله إلا انت سبحانك اني كنت من الظالمين (لان الدعاء بعدها لا يرد)

لا تحزن فرزقك مقسوم

إذا آوى إليك الهم فآوي به الى الله وأكثر من الذكر والدعاء

انا كان فيني تكيس صار بسبب اهمال طبي …

لكن الحمدلله شفيت منه شفااااااء تاااااااااااااااااااااام نفس اللحظه معجزه

سويت حجامه عند الدكتوره امل ماشاء الله اول مالدوره نزلت عقب الحجامه

عدت تحليل الهرمونات ولله الحمد شفييييييييت منه شفااء تام ^^

انصحج فيها وع فكره تحملين طبيعي بعد .. بعد الحجامه مباااااااااااااشره

والله على مااقووله شهيد

لو بغيتي رقم الي تحجم بلغييني ع الخاص