بنتي عمرها سنتين ونص ولدي سنة وسبع شهور تقريبا صغار وايد ومافي فرق من بينهم وايد لاني يبتهم ورا بعض
بس كيف اقدر اسيطر عليهم في السفر ماشاء الله يلسة العربانة ما يحبون يطولون فيها يبون ينزلون ولو كنا يالسين في كوفي او مطعم
مع اني اشل وسائل التسلية اللي يحبونها في البيت الاي باد ويا البسكوت والعصاير ووووكل الاشياء اللي تسكتهم بس بعد مافي فايدة….
اذا يبوون ينزلون من العربانة واذا نزلناهم عاد تعالو يودو ما يقعدون يعني يبون يتحركون طالع ونازل والله فشلة كيف اخليهم يسمعون كلامي
واذا ما نزليتهم في العربانة يتبعون وسيلة الصراخ الفضيع اللي يخلي الناس كلها تصد تطالع شو السالفة ؟؟؟
في ناس ما شاء الله على عيالهم يالسين من يقولولهم اهاليهم ايلسو سكتو وسمعو الكلام كيف ؟؟؟؟؟؟؟؟ ابا اعرف اكيد في سر
كيف بتصرف في الطيارة وفي المطار ؟؟ وهناك في الكوفيات والمطاعم ؟؟
اتريا خبراتكم خواتي فديتكم خبروووووووووووووني 
الله يهديهم يااااارب
النوم عنصر مهم في سلوك الاطفال ولما يكون الطفل يوعان أو تعبان أو مريض سلوكه مب سهل التعامل معاه ..خليهم يسمعوا قرآن في البيت وسافري ليش تحرمي روحج الكل عندهن عيال وحتى لو صرخوا يعني شو تسوي
ربي يفرح قلبج فيهم ويجعلهم من الصالحين
اترياااا ردوود الباقي
الحمد لله مااحس لعوزوني وايد غير بسوالف الحلويات ويبون العاب خخخ
والجو كان وااااايد بارد عليهم فزجموا فديتهم
المهم. بديت ارتب اموري من قبل السفر. كتبت لستة طويله عريضه خخخ
اهم الادوية الي اشلها وياي من قطرة خشم و ادول ودوا زجام وحساسية
وجهزت لكل واحد شنطة صغيرة فيها لعبة وايباد وبدله للطيارة اذا احتجت وايباد لكل واحد
والعربانه خذت ثنتين. النوعية الخفيفه الخاصه بالسفر
الحمد لله عيالي ييلسون فالعربانه
صح ينزلون مرات بس ارد ايلسهم واشغلهم يا فاكل ولا لعبة خخخخ
الايباد كرهوه فالسفر ماعرف ليش بس احسن لهم خخ
فالطيارة. ريلي اختار وقت الليل عشان يرقدون. بس بعد لانه اول مرة احس يرقدون ويقومون كل شوي يقولون متى بنروح خخخخ
بس حاولت اشغلهم بالتلفزيون واحط لهم افلام رسوم. وطيران الامارات ماقصروا كل شوي اييبون لهم هدية يشغلونهم
تمينا ٧ ساعات وشي فالطيارة فاحس ملوا. بس يلس اسايرهم واسولف وياهم وياااالله يااالله مر الوقت
فالمطاعم صراحه حسيت شوي لعوزة اذا زحمة
انا كنت ماخذة شنطة اكل. كنت اطبخ مرات اشباء بسيطة لانهم ايوعون فليل والمطاعم فاوروبا تسكر بسرعه
وفالمطار بعد شوي تلعوزنا لانه حطينا العربانه فالشحن وماييلسون الله يحفظهم.
وعاد فالسوق الحرة. اكبر خبال خخخخ. يبون كل الحلويات
شو بعد اممممم
يوم بذكر شي ثاني بخبرج خخخ
اهم شي توكلي على الله وان شاء الله تكون سفرة حلوه لكم
الله يهديهم يارب في هاي السفرة واستمتع معاهم وتكون سفرة حلوة باذن الله
وماعليج من حد تصرفي مع عيالج عادي حتى لو صارخو
شوه يعني
انا يوم ادخل مطعم ويكون عندي ياهل اذا مارمته يقعد اطنشه واخليه
ع راحته بس اتابعه وين يروح
واذا على الطياره خليهم على راحتهم بس تأكدي انهم مش برداني ولا يوعانين
سفره ممتعه ان شاء الله