السلام عليكن خواتي سيدات الامارات
فديتكن تعبانه وايد صدق تعبانه عندي ويع تحت ملعوزني
أبغي اولد بسرعه أدعولي فديتكن أربي اليوم قبل باجر يارب
أذكر في ولدي ربيت قبل موعدي بإسبوعين مع أني ما كنت تعبانه ولا اشتكي من شي
بس هذا الحمل تعبانه منه وايد وأبغي أربي وأفتك ممن الويع والثجل
أدعوا لي يزاكم الله خييييييير
حبيبتي الدعاء وايد والاستغفار مفيد جدا والله يسهل عليج ولادة
شربي حلول بييج الطلق وعليج بالزعتر وخذي دش حار او ايلسي في الماي الحار
المشاركة الأصلية كتبت بواسطة سلطانة الغرام 
حبيبتي الدعاء وايد والاستغفار مفيد جدا والله يسهل عليج ولادة
يزاج الله خير إختي
وإن شاء الله بداوم على الدعاء والاستغفار بإذن الله
مشكورة فديتج والله يسهل علينا يارب
المشاركة الأصلية كتبت بواسطة البنفسج((1)) شربي حلول بييج الطلق وعليج بالزعتر وخذي دش حار او ايلسي في الماي الحار
مشكورة الغالية بس الحلول يسوي إسهال ؟؟!!
المشاركة الأصلية كتبت بواسطة عابدة نصيييييييحة شربي زنجبيل حار بس كثري الزنجبيل واليوووووم بتربين سويتها انا ببنتي وربيت بنفس اليوم والله يقويج يارب
الغالية الزنجبيل الاخضر؟ ولا الناعم ؟؟
بسوي كل شي المهم أولد يارب
ياااااااااااااارب تولدين وتقومين بالسلامة اليوم قبل باااااااااجر
والله يسهل عليج
ادعيلي اربي طبيعي واقوم بالسلاااااااااااامة 