خواتي اريد النصيحه منكن كيف اتصرف ويا ريلي الله يهديه

السلام عليكم ورحمةالله وبعد خواتي بدش في الموضوع وما بطول عليكن انا صارلي معرسه سبع سنين وامورنا انا وريلي مافي احسن عنها عندي منه ولد وبنتين يحبني ويحب عياله وااايد يصرف علي لاني ما اشتغل رغم انه ما عنده مانع اني اتوظف ومب مقصر الحقيقه في شي مقارنة بغيري اقول الحمدلله والشكر حتى ان بعض الاهل احس انهم يحسدوني عليه اوقات يصير بينا سؤ تفاهم مثل اي زوجين وتنتهي لكن يوم يقولي اني ممكن في يوم من الايام اتزوج عليج ازعل واايد ومن حقي لدرجة اني احس انه يخاف يفتح هالموضوع اوحتي يلمح رغم اني شارطه عليه قبل الزواج باني ما اقبل حد يشاركني فيه مهما كانت الظروف واني اريد اطلق اذا عزم في يوم على الزواج لكن للاسف بعد هذا كله سوا اللي في راسه واكتشفت قبل اسبوع انه متزوج من سنه وشوي لكن والله يا بنات اني ما حسيت باي شي خلال هالفتره ولا قصر فيني باي شي اذا ما كان مب احسن بدون مبالغه الحين انا في ورطه اصارحه واذا صارحته ترى ما برجع عن كلمتي اريد الطلاق ولا اسوي نفسي اني ما دريت واكتم غيضي انا محتاره ابي رايكن وادعولي ان الله يصبرني ويلهمني للي فيه الخير لي ولعيالي انه سميع عليم.

صراحه ياختيه انا لو كنت مكانج مابقدر اتحمل وبطلب الطلاق وخاصه انج شارطه عليه >< صدق الرياييل مامنهم امان

بس ها مب معناته اني اقولج اطلقي لا فديتج المفروض تفكرين فعياااالج .. وشوفي عمرج يمكن انتي قصرتي بشي؟؟ ولا بـس جي راح وتزوج ؟؟ والله مب عارفه شو اقولج بس بعد الطلاق مب هو الحل .. وبعد هو متزوج من سنه وشي وانتي ماحسيتي؟ يعني اكيد مب مقصر عليج بشي صح؟؟

الله يعينج ويصبرج …

الله يصبرج

انتي شوفي وضعج كيف
يعني تخيلي عمرج مطلقه ..تحسين بتكونين مرتاحه اكثر عن الحين..يعني من كل النواحي عيالج وماديا ونفسيا وكل شي لاتفكرين بس من ناحيه وحجه..والسكن بعد يعني فبيت اهلج بتكونلج غرفه ولليهال غرف خاصه؟؟
بس انا اشوف دامه مب مقصر الريال..واليهال محتاجين ابوهم خاصه الولد..وانه يتزوج احسن من انه يروح فالحرام عشان ماتزعلين لانه لو سواها بتأثمين لنج السبب..غير الامراض اللهم ياكافي
انا من رايي تتعوذين من ابليس ولا تخربين علاقتج وياه الف من تتمنى ريل جي
والله وايد يتمنن ريال حتى لو متزوج عشر بس يحترمها ومهتم فيها وفبيتها
في رياييل مايعرسون على حريمهم بس يخونون..وفي اللي يضربون..وفاللي يسب وشتم
ارضى بقرادك لييك اقرد منه

الله يعييييينج ان شاء الله

وعليكم السلام ورحمة الله وربركاته

الغاليه تراج تقولين مب مقصر عليج بشي ابدا وعايشه مرتاحه مع انه متزوج وهذا طبعا بدون علمج

انا اقول انج تصارحينه انج عرفتي انه متزوج واكيد لو سألتيه ليش ما خبرتني بيقولج اخاف اخسرج او اخافج

تزعلين وتضايجين وها يدل على انه يحبج اصلا ومهما كان جوابه انا اقول طلاق لاتفكرين ابدا في هالشي اذا انتي

فعلا مرتاحه معاه وبينكم عيال

وليش تبعدين العيال عن ابوهم وتودين عمرج في 60 داهيه من بعد الطلاق (( يعني انتي اذا تطلقتي بشو بتطلعين من

هالطلاق)) غير انج خسرتي بيتج وريلج وحياة عيالج بتتشت وبتم الزوجه الثانيه ملك ريلج وانتي الي بالنهايه بتشربين المر صح ولا

….. انتي افهمي منه سبب زواجه من الثانيه وخلوا الامور واضحه في حياتكم وبعدين شوفي الي لج والي عليج

والطلاق بعدي عنه مووول ومثل ما كانت اموركم ماشيه قبل لاتعرفين خليها ماشيه صح بعد ماعرفتي بذكائج

الله يصبرج ويقوي قلبج يالغالية

مااعرف شو اقولج

والله يوفقج