انا قريب بدش التاسع 10 ايام
ابغي تساعدوني
بالقايمة اغراضي واغرضا البيبي
والكمية
عشان ما انسي شي
يعني الاغراض اللي احطها لنا ف شنطة المستشفى +الاغراض خلال فترة ال40 ؟
بليز عطوني القايمة عشان اشوف شو اللي ناقص ما خذته
شوفي هالقايمة:
قائمة المولود:
___ 6 – 12 فنايل داخلية (طباقي من تحت) / حفر / نص كم / كم طويل حسب الجو .
___ 4- 6 سراويل طويلة.
___ 4- 6 نفانيف قطن الطويلة (بعضها فيه سير من تحت).
___ 6 – 12 مهادات .
___ 6 – 12 بجايم كاملة .
___ 3 – 5 قبعات.
___ جوارب (دلاغات)
___ كفوف لليدين / حسب الجو اذا ولادتج بالشتا
___ 8 – 12 صداري
___ 2 بدلة استقبال / وبدلة طلعة من المستشفى
___ (لحاف الصوف الناعم ) حق المستشفى
___ 4- 6 لفافات السر
___ 4- 6 فوط صغار للترجيع
___ فوطة سباحة / روب
___ برواز طبعة الايد والريل
___ جنطتين وحدة بلاستيك ووحدة خام
___ سرير حق النفاس / حق بيت الوالدة وواحد خشب حق البيت
___ حوض بلاستيك للسباحة
___ 2 كيس لتقديم المولود واحد عادي وواحد كشخة
___ كرسي
___ كرسي سيارة
___ عربانة
___ 6-8 مميات(رضاعات)
___ غلاية الرضاعات
___ بروش تنظيف الرضاعات
___ مطارة ماي
___ مقسم الحليب
___ مصاصتين (حق اللي مولودها حنة ويجعر )
___ عدة تنظيف البيبي (شامبو ، بودر ، كريم ، بيبي اويل ، بروش للشعر ناعم ، مقص اظافر ، قطن اذون)
___ عدة السر ( كحول ، قطن ، بودر السر )
___ كرتون حفاظات (عشان مو كل شوي تطرشينهم الجمعية
___ كريم الحفاظات (تحسبا لاي احمرار)
___ علبة (قمامة الحفاظات + كياس للحفاظات معطرة) تلقونها عند مذر كير وهذه مفيدة حق طلعة 40
___ 4-6 بدل حق بعد الاربعين حق المولود من عمر 0-3 / 3-6 حسب حجم البيبي
قائمة الأم :
___ شفاطة حليب (حق الصدر)
___ 2 قمصان نوم حق المستشفى / استقبال
___ 2 بجايم قطن مريحة للمستشفى
___ 6-8 بجايم انفاس / خاصة بالرضاعة
___ كفر استقبال (طقم مع الكوشايات)
___ دلاغات
___ 6-8 ستيانات خاصة بالرضاعة
___ كرتونين قطن الرضاعة (الصدر)
___ كرتون (كوتك س )
___ فوطة حق المستشفى
___ نعال (عزكم الله) للمستشفى / غير شحاطة الاستقبال
___ كورسيه البطن / الحزام
___ 2 درزن صراويل
___ لهوم
متى عاطينج موعد الولاده؟؟؟
انا عاد بروحي ما اعرف ف هالسوالف بروحي نسخت اللسته اللي حطتها الاخت فوفو يزاها الله خير
ان شاء الله حد يفيدج حبوبة
للرفع