خواتي عندي مشكله مع الكيك والفرن؟؟؟؟؟؟؟؟؟؟؟؟؟؟؟

هلا خواتي اشحالكن
عساكن طيبااااااااااااااااااااااااات
عندي مشكله مع الكيك
مأساااااااااااااااااااااااااااااااه …. عطوووووووووووووووووووووني الحل
كل ما اسوي كيكه .. ماتظبط معااي ..يعني اقعد بالساعه والساعتيين !! والريل ينتظر هالكيكه إلي بسويها.…..وبالأخير تطلع الكيكه نيه من داخل … يعني ماتستوي ..عيينه من داخل ………… لا تقولون قصري عالنار .. الصراحه اقصر له .. وبعد مافشلت مع الفرن .. اليوم سويت كيكه بالفرن الكهربائي …….وماشي فاااااااااااااااااايده… وبعد احيانا تنتفخ من صوب .. والصوب الثاني فااااااااااااااااااااااااااااشه … والصراحه صابني احبااط من سالفه الكيك
إلي عندها حل اتقولي دخييييييييييييييييييييييييييلكن
ومشكووورين مقدما
اختكم
&المزيونه&

الغاليه اول ما ادخلينها الفرن لا تفتحين عليها زجاج الفرن واتشوفين كل اشوي لان يهبط الخليط في الوسط ويدخل فيها هوا لاحظيها من برع فقط اذا استوت ولا لا

انا مع الاخت سراب او انك لما تسوين الخليط تكثرين البيكن بودر او تقللين لازم عيار معين ولما تخلطين الخليط ارفعى الملعقة لفوق علشان يدخلها الهواء وان شاء الله تزبط معاكى

اولا قبل كل شي شعلي الفرن على حراره متوسطه من اسفل
ثانيا سوي خليط الكيكه بنفس المقادير
ثالثا دخلي الكيكه في الفرن ولا تفتحيه الا بعد مرور 35 دقيقه
بعد ما تتاكد انها نضجت شغلي الفرن من فوق
بعد ما تبندي الغاز خليها داخل الفرن لمدة عشر دقائق

لكل كاس طحين يكون ملعقه صغيره بيكنج باودر ، وعن نفسي انا لما ادخل الكيكه في الفرن في نفس الوقت اشغل الفرن واقصر عليه لانه فرني وايد حار فإذا شغلته قبل بوقت ودخلت الكيكه تخرب ، او يمكن الصينيه عندج صغيره حاولي تحطين الخليط في صينيه اكبر جربي كل اللي قلت لج عليه وان شاء الله تضبط بس لا تخبرين بو العيال انج اتسوين كيكه يمكن عينه حاره وعشان جيه ما تتستوي الكيكه هههههه اسولف وياج ، جربي وردي وادعي لي اذا ضبطت

صارت معاي مرة ان العجين كان محترق من برع وعجين من داخل!!

صرت شو أسوي، أفتح الفرن ع درجة عالية
أسوي الكيك
عقب أخفض درجة حرارة الفرن للنص وأحط كيكتي داخل، وأخليها تاخذ وقت طويل في الفرن
اذا عقب حسيتها للحين ماستوت وبدت تحترق من برع، أزيد عالحرارة شوي

ولا تفتحين الفرن الا وانتي متأكدة ان الكيكة مخلصة وتبين تجيكين عليها… فتح الفرن كل شوي يخرب عالطبيخ ومايخليه يستوي عدل!!