خواتي منو شربت زيت الخروع وبعد ما شربته ربت بالسلامه ساعدوني

مساءالخير
خواتي فديتكن ابا تجاربكن منو شربت زيت الخروع قبل موعد ولادتها وهل كان فيج الطلق والا لا
وبعد ما شربتيه شوكان مفعوله وياج
فديتكن ابا تفاعل
لاني ناويه اشرب زيت الخروع بس متردده
فشو تنصحوني لاني بصراحه تعبت وايد من الحمل والسكري والانسولين

انا يوم بدت الالام عندي وكانت خفيفه وايد خذت زيت الخروع والحمد لله سهلي وسرت الحمام كذه مره وفضت بطني عدل عسب بغرفة الولاده ما اسوي شي
والحمد لله عقب ما سرت الحمام تسرعت الالام عندي وايد ودخلوني غرفة الولاده واهم شي اني ما خيست الدنيا في الغرفه وجدام العالم
لان وايد حريم يخيسون اعمارهم وقت الطلق

للرفع

انا سمعت انه زين اول مايبدا الطلق بس مب كل الحريم ايي عليهم

وعن نفسي ماجربت لين احين والله يشافيج ويسهل عليج

انا شربته بدون ويع و لاشي بس كان مر على موعدي يومين ومن شربته فالليل ما بت و بدىى الويع و رببيت بالباجر

انا ماجربته بس اختي شربته بعد مانزل الماي عن الياهل وفادها اول شي سارة الحمام بعدها بديزيد الطلق والحمدلله

امي شربته وتقول سيده نزل الماي واااااايد وربت عقبها