خوات ريلي

خوات ريلي وايد مدخلات بحياتي الشخصيه انا وياه يعني مثلا يوم نروح نشتري ملابس حق بنتي ييلسون يقولون انتي بطرانه عندها ملابس وايد وليش تشترين وليش ماتشليتينا وياكم وهذه ريلج مبطرنج >>هو ساكت>> المهم ومره كنا رايحين نحتفل بيوم زواجنا كنا بنبات ففندق وانا رايحه اقول لعمتي لان بنروح>>لازم<< نبات ففندق وجي قالو اقعدي شوي قلتلهم انزين بس لااتتاخرون>>ماعرف شو كانو يبون مني>> المهم يو وشالين ملابسهم بنروح وياكم وانا استحيت منهم قلتلهم اوكي ونحن رايحين نركب السياره >>انا ميته قهر>>قالي ريلي ليش يبتيهم وياج ماباهم قلتله شسوي قالولي يبون ايون خلهم وصلنا الفندق للعلم اني حاجزه بس غرفه وحده وفيها شبريه وحده وبنتي خليتها فبيت اهلي المهم قالوولنا ماشي بس غرفه وحده اللي حجزتوها قال ريلي لخواته يالله بنرد البيت قالوله لا ماشي انت وحرمتك نامو فوق الكرفايه ونحن بنام فالارض مارام يقوللهم شي وانا فالغرفه يالسه ميته قهر منهم خربو عليه …..وكله جي يخربون عليه ماقدر اظهر وياه بروحنا بس مرات نظهر وهم مايعرفون..وكل مابروح افصل عبي يقولون لي حشا انتي ما يكفنج عبيج خلصتي فلوس اخونا قلتلهم بمعاشي مب بمعاش اخوكم وظهرت

المهم ابغي الحل للمشكله لاني كرهة حياتي بليز ساعدوني

وقفي كل حد عند حدة شو هالمصاخه والله لو منج جان من زمان اراويهم حدودهم

استغفر الله
الصراحة زودوها قبل خوات ريلي جي بس ريلي وقفهم عند حدهم
مره كنا بنظهر قالوا لنا وين بتسيرون قلنا بنسير نتمشى قالوا بني وياكم
ريلي رد عليهم وقال ابا اظهر ويا حرمتي ابروحي ابي اخذ راحتي وياها
ههههههههههههههههه انا استانست
حبوبة الناس اللي مثلهم لازم ما تستحين تعطينهم في الويه
ليش تحرمين نفسج من الفرحه طاف
مب لازم اتخبرينهم وين سايرين اذا سالوج رد عليهم
طالعين عندنا شغل اي شي بس لا اتخبرينهم
واسمحي لي على الازعاج

الللللللللله يعينج
شو هالخوات اللزقه .. لهالدرجه يحبن اخوهن وخايفات عليه !!!!!!

اذا هن بنات صغار لا تلوميهن .. لانهن يهال ومراهقات وتصرفاتهن عفويه … وكلميهن بطريقه حلوة جذابه انهن يخلن مساحه لج انتي وريلج

بس اذا بنات كبار يعني فوق العشرين … كلميهن بكل منطقيه وخبريهن يوم بتعرسن بيصير لكن نفس اللي تسونه فيني وانتن بتتضايجن لانكن تبن تكونن ويا ازواجكن بروحكن .. ومن هالكلام كله

والله يعينج مرة ثانيه
واطلعي بالدس واذا شافنكم حركو السياره بسرعه خخخ نذاله

شو ها لصقات سووووووووووووووبر قلو وقفيهم عن حدهم

عادي فديتج
نفس الشي بعد صار وياي
بس زوجي فديته مايقصر
اصلا هو يوم نظهر مايحب احد يظهر ويانا
وجم مره قال هالرمسه
تعرفين انا يوم افصل ملابس وعبي شهريا تقريبا لازمي اصلي ملابس يديده لاني احب اغير لريلي وبناتي كذالك كل اسبوع لازم اخذلهم
تعرفين عمتي اتقولي عنبوه ماتشبعين من الملابس
قلتلها الله يطول بعمر يلي يصرف علي ويخليه لي
انتي ليش محترقه انا احب اتلبس
تعرفين
مره قالت لي انتي مخليه ريلج خاتم فصبعج وماعرف شو من هالرمسه هو وخواته
هو رد عليهم ووقفهم عند حدهم

فديتج ماشي بيت مايخلا من المشاكل
تعرفين آخر مره تخيلي ريلي فاجأني مرتين
مره اشترالي سياره انفنتني 2024 فورويل وصدمني فيها
ومره اشترالي نوكيا الجولدن 8800
وتفاجأت
الله يخليه لي ولا يحرمني منه
تعرفين اهله تمو يرمسون
تعرفين شو قاللهم
قاللهم حرام الواحد يدلع حرمته وبناته

ومن بعدها والله ولا واحد يسترجي يرمس

بس احيانا لازن تعطين كاش بالويه عسب يحسون ^^