خياطة راقيه باسعار معقولة

السلام عليكم
عدنا عرس على اول اسبوع من ديسمبر و واحتاج خياط ازياء راقية يكون سعره مقبول!
سرت عن بعض مصممين ازياء ف شارع ابوبكر وسوق الهنا يل فى السطوة .. ويالله سترك بمكرهم وغلا اسعارهم .. مب طبيعين الجماعه!! اقولهم حتى لو انا بجيب القطعه من صوبى الا مصرين الخياطة بروحها من دون شك او اى فصوص او اى حركات ثلاث الاف درهم؟ ويل بغى يسوى فيها عدل منهم اونه قصر لى الين ال الفين وخمسمية درهم ..

مع انه الموديل جدا سمبل الا قطعه دانتيل من فوق وشوية درابييه على الخصر ونازل .. يعنى بس!! جدا بسيط الموديل والخلقه من عندى!! لا شك ولا فصوص؟ ما ادرى حق شو ها الاسعار الخيالية؟
سرت فريج المرر كله جلابيات وكمن حد حصلته يسوى درابية .. بس شغلهم مب لي هناك!! ما يسوى الخياطة المرتبة!!
ارجوكم تساعدونى وين احصل حد يخيط مرتب باسعار معقولة .. بس يكون شغل ترتيب
انا محطية بوك ب الف وخمسمية ( بدون القماش ) الين الفين درهم كاقصى حد

ووين احصل خياط ؟ وبعد واين احسن سوق قماش! غير ريجال ودييباك .. مجموعه الدانتيل يل عندهم محدده

انا افضل الجاهز واريح راسي الخياطين يجيبو المرض

هههههه ضحكنى ردج … شو نسوى مضطريين عليهم هالخياييط
شفت كمن فستان جاهز بمركز الهنا بس بعد يبالهم تعديل! اكمام وبطاين تحت الدانتيل او الشيفون

والمشكلة انه العرس مختلط !! المعاريس ما بيسون عرسين عرس للحريم وعرس للرجال اونه هى حفلة وحده مكس وخلاص!!
يعنى ابا شى مناسب ومرتب .. بيكون غير يوم انى اخذ فستان جاهز وارقع به عسب يناسب الستر
افضل الخياطه

شاكرة مرورج

في دبي ماعندي فكرة لكن يمدحون خياط جابر بالشارقة بس ما اعرف اسعاره

حبيبتي في خياطة في العين سيلانية نعم سيلانية رووووووووووووووووعه انا دوم اخيط عندها تضبط صح وعلى الجسم وتسولج بروفه والله ما بالغ اني مفصله عندها انا وخواتي والكل يسال من وووووووين وروعه اذا تبين خبريني بعطيج رقمها ومكانها بالظبط واذا تبيني انا اوديج لها بعد حاضر

وينه هذا ؟ اختى اذا ادلينى على مكانه لو سمحتى… وحده من عجمان قالت لى بخيط لج بالف والقماش من عندى!! صور شغلهم بالفيس بوك يبان اوكيه…. لكن اتعرفين يبالج اتشوفين بعينج عسب تتاكدين من الخياطه اذا مضبوطه ولا لا !!

اختي اذا حابه فستان راسليني
ماذكرتي الطول والوزن

عندي فستان فخم كرستالات مب سنبل