السلام عليكم ورحمة الله وبركاته
عندي موضوع واتمنى الكل يشاركني فيه
ليش يوم الزوج يخون زوجته لازم الزوجه تصبر وتسامح وتفكر في بيتها وعيالها وحياتها
ويوم الزوجه تخون زوجها او تغلط يكون مصيرها الطلاق ؟
اتمنى الكل يشارك
لانه في زمنا والمجتمع اللي نحن عايشين فيه يقولج الريال مايعيبه شي لو شو ماسوا
للأسف مايعرفون انه العيب عيب ترا سواء كان للريال ولا للحرمه
للأسف مايعرفون انه العيب عيب ترا سواء كان للريال ولا للحرمه
والحرمه تصبر وتتحمل لانها تفكر بالعيال وتفكر بريلها ولو انه هو مافكر فيها يوم خان
بس شو نسوي هذا مجتمعنا
والله يهدي الجميع ,, ومشكوره حبيبتي ع الطرح
مجتمعنا ,,دووم يلووم المرأه للاسف مهما كاانت الضرووف ومايرااعييها..عشاان جيه انا من رااي ان المرأة تبعد عن القييل والقاال ومهما يكوون اي سبب صعب على اي مرأه انها تربي عياال من دووون اب لهم..
حبيبتي المجتمع الشرقي حااط الحرمه والبنت تحت المجهر
لكن بالشرف لااا فرق بين رياال وحرمه
الله يستر عليناا دنياا وأخرة ياارب
الغالية
نحن مثل ما قالوا الخوات الي قبلي في مجتمع شرقي
ولكن دائما يكون تفكير الرجل محدود وهذا عن دراسة
بعكس المرأه يكون تفكيرها متشعب وتفكر بكل الأشياء الموجوده
عندها مثل العيال و الأهل وغيرها (هذي الحيااااه )
السموحة
اشكركم على ردودكم
اولا ديننا حرم هالشي سواء عالريال او الحرمة و ثانيا بعيد عن المشاعر خلينا فالمنطق شو اللي بيخسره الريال و شو اللي بتخسره الحرمة فالخيانة؟؟ اتمنى تجاوبون سؤالي وجوابكم بيكون رد عالموضوع بس ابعدو عن الشرع و الدين و المشاعر…