دايما أحلم الرسول صلى الله عليه و سلم!!

السلام عليكم ورحمة الله و بركاته

لين الحينه محد فسر هالرؤى اللي اشوفها

ما تمر سنه تقريبا الا احلم الرسول صلى الله عليه و سلم

أحيانا ينصحني و أحيانا آكل معاه

و أحيانا يذكرني اني ما اترك الذكر

و أحيانا في رؤيه قرا عليه الفاتحه يوم كنت مريضة

و رؤى كثيرة ما أتذكرها بعد

مع العلم انا مب ملتزمه ذاك الزود بس الحمدلله محافظة على صلواتي

و تسبيحاتي !!!

ابغي حد يفسرلي يا جماعه

الشيطان لا يتمثل بالرسول صلى الله عليه وسلم واللي يشوفه يشوفه صدق
ويمكن الرسول يوصيج انج تلتزمين اكثر واكثر ويذكرج ان الدنيا مب دار بقاء بل دار فناء
هذا والله أعلمدقي علىبرنامج افتوني في رؤياي وفي واحد بعد اسمه عسى خير بس الصراحه ما اذكر متى واحد منهم اللي هو افتوني في رؤياي يطلع في قناة نور دبي بس ما ادري اظن يوم الثلاثاء والاحد الساعه 10:30 ما اذكر بالضبط
يفسرون الاحلام بطريقه جدا حلوه
وعســـــــــــــــــــــــــــــــــــــى خيــــــــــــــــــــــــــــر

اختي لو متأكدة انج تحلمين حبيبي رسول الله صلى الله عليه وسلم ترى الشيطان ما يتمثل به وربي يوفقج ويحفظج

عسي خير
ان شاء الله تكون خير لج احلامج

مشكورات خواتي عى الردود

فعلا ما يتمثل الشيطان في الرسول صلى الله عليه و سلم

اهنيكي اختي ومن منا لاتتمنى هذه الروؤيا المبهجة للقلب

اختي الغالية الشيطان مايتمثل بالرسول فهذا بشارة خير لج اذا حلمتي الرسول