وهو من الأكلات الهندية المميزة
(( طلبته احدى الأخوات في المنتدى وان شا الله يكون مقارب للي يسويه مطعم قيصر ))
المقادير :
صدور دجاج ( ويطلع ألذ لو اشتريتي صدور طازجه من الجمعيه )الصدور تقطع الى مربعات
3 بصلات مقطعات مربعات صغار
ثوم وزنجبيل مدقوق وفلفل أخضر حار مقطع
5طماطم مفرومه
ملعقتين معجون طماط
ورق نعناع وورق كزبره للتزيين
علبة قشطة
بهارات ( كاري – كركم – فلفل احمر ) وملح وحبة ماجي
زبدة وزيت
الطريقة :
1 ) حطي في التاوة شوية زيت وحطي الدجاج القطع عليه وغطيه لين ما يظهر الماي من الدجاج مع التقليب بين فتره وفتره .
2) لما يذبل الدجاج نقلبه ونحطي عليه البصل المقطع والثوم والزنجبيل المدقوقين والفلفل الحار (الكمية على حسب الرغبه )ونقلب الخليط .
3) ناخذ نص كمية الطماط ونحطيها على الدجاج في التاوة وبدون ما نحرك نغطي التاوة ونخليها على نار متوسطة .
4) ناخذ نص كمية الطماط المتبقيه ونحطيها في الخلاط ونحطي عليها الكركم والملح وحبة ماجي والكاري ومعجون الطماط ونخلط دقيقتين او ثلاث .
5) نصب الخليط اللي في الخلاط على الدجاج بعد ان نفتح عنه وبتلاحظين ان قطع الطماطم ذابت ونقلب الصلصه ونضيف ربع كاس ماي ونقلب ونتركها تغلي قليلا .
6 ) قبل لا نطفيء النار نضيف القيمر ونحرك بسرعه بتلاحظين ان اللون الاحمر يتحول الى لون برتقالي اتذوقي اذا تحتاج ملح زيادة ووعلى الويه حطي ورق النعناع والكزبرة وقدميه .
وصحتيييييييين وعافيه
بس هالاكلة اعتقد انها هندية
عاد انا احب هالاكلات
المشاركة الأصلية كتبت بواسطة الحلاة كلها 
بس هالاكلة اعتقد انها هندية
عاد انا احب هالاكلات
هي نعم هنديه الغااااليه
جربيها وادعيلي
ومشكوره ع المروور والتعليق
المشاركة الأصلية كتبت بواسطة قوس الربابه تسلمين الغاليه ع المروووور