دجاج بالكريمااا مع تغييراتي مقتبس من العضوة الطباااخة قصص

انا طباخة بس من زمااااان مب داشة المطبخ واموووت ف شي اسمه الطبخ

واليوووم قلت بجرب طبخات بنات المنتدى بس بغير فيهم ..

وانا من زماااااان كنت شارية صدور دياي ع اساس احشيهم بالسبانخ بس طنـــــــــــــــــــشت .. لوووول

سويت طبق دجاج بالكريــــــــــــــما .. واسمحووولي هالصور بعد ما كلينا وحطوا الي زاد فوق بعضه بالثلاااجه .. للاسف ما قدرت اصور الخطواات ولا شكله ف البداااية =<

اليوووووم سرت الجمعية واشتريت صدور دياي للحشو ,,

تتبيلة الدجاج :
1- صلصة الصويااا
2-شووووية بلسمك ((نوع من الخل ))
3-كم رشة فلفل اسود
4-ملح
5-صلصة البستو بس مسحتها ع الدياي عقب ما حشيته وسكرته
6-ورشيت قبل القلي اعشاب ايطالية تعطيها نكهة وااااااااااو

الكريما: مثل طريقتج .. الكريما + جبن كرافت + مكعب ماااجي +واضافة من عندي (شوية طحين ) ..
بس انا حطيتها على الناار وحطيت الجبن وماجي .. وعقب دقايق زدت الطحين عشان يتخثر ..

الحشوة :
1-بصل
2-بروكلي
3-فلفل أخضر
4-مشرووم
5-بطاطس

!ملح
@فلفل اسود
#فلفل حاار
$شوية كركم
%شووووية صلصلة طماط مع جبنة الريكوتا ..
^اعشاب ايطالية

حشيت صدور الدياي وسكرتها بالاعواااد ومسحت عليها صلصة البستو ورشيت الاعشاب الايطالية
وقلييييييييييتهاااا .. وبعد ما قليتها قصيت كل قطعة من النص عسب يكون شكلهم احلى وخليت الاعوااااد << بس جي كييفي ^.^ .. كان شكلهم حلووو ف ما حبيت اشلهم ,,

حطيتها ف البايركس وصبيت فوقها الكريييما .. وزينت الطبق بشوية شبت مفرووم ..

وهذا الشكل النهائي بعد ما حطوهم فوووق بعض ,, لووووووووووووول

وبس .. وهني وعافية للي بتسوي وبتاكل .. وتريوااا اطباااقي الغاااوية *.^