شحالكم وعساتكم مرتاحين
فديتكم بغيت أسألكم ليش الصديقات ها الزمن مايكون وياج ألا للمصالح ليش
انا الحمدالله علاقتي ويا أهلي وايد زينه الحمدالله انا وخواتي مثل الصديقات واكثر
بس يوم انتي اتكونين في الجامعه يعني نص يومج اتكونين وياهم في تنجبرين انج تقضين وقتج وياهم والانسان مايقدر يعيش بدون اصدقاء مستحيل يعني
بقولكم انا مرات احس اني مبالغه في الموضوع ومرات اقول انا مب مجبوره ايلس ويا بنات بها الشكل
والصديقه ألي ماتسأل عن ربيعاتها ألي في ايام الدراسه انا الصراحه ماعتبرها ربيعه اعتبرها ربيعة مصالح وبس
والله والله وانا مادافع عن نفسي بس اقول الصدق هم الصدق مايحبونه ابا اعرف ليش يعني عندهم انتي متعقده انا بقول بعض الاشياء وانتو احكمو نحن شله بس انا الوحيده تفكيري غير عاداتي غير كل شي غير وهم كلهم تقريبا نفس الشي يعني بالاصح free بس الله يستر عليهم تعرفون والله نحن مرات انكون في المطعم يعني سايرين ناكل والله اجوف الموبايل يتنقل من بينهم بس انا لا تعرفون شو الحجه انتي ماعندج ها السوالف وانا الحمدالله راضيه بحالي والله العظيم بس بعد يوم انتي بنجوفين حد يسولج جي لو انتي مب نفس حركاتهم بتضايجين بتحسين انتي ثقيله عليهم والله اذكر مره كنا في الحمام في وحده منهم قال شي ماابا اقوله وحده منهم زختها بالقو ودخلتها الحمام اتقولليها سكتي وانا بأذني سمعت والله كانت الدموووع في عيني والله العظيم احس صدق اني ثقيله عليهم مع هم ألي يزقروني ونحن ربع بس من كم شهر يعني من دخلت الجامعه والله الحين كرهت الجامعه وقلت انا وااااايد غلطانه اني ماعرفت اختار الربع المناسبين وعندي ربيعه واااايد احبها بس احس يوم انيسر الجامعه تتغير وتسمع للكلام البنا يعني في البيت والله ماشي احسن عنها فأنا دووووم اقوللها انتي منافقه البنات هم ألي اسيرونج انتي عوده لازم تثبين عمرج مب البنات هم ألي يمشونج وهم يقولولي انا معقده
ماعرف ليش في ها لزمن البنت ألي تمشي في حالها وماعندها حركات تكون في نظر الناس معقده خاطري اعرف ليش …
دخيلكم قولولي انا ابالغ ولا لاء يوم اعطيهم في الويه ولا اسكتهم
فـ طبيعي بتحسين انهم غير عنج بـوايد وتصرفآتهم وجي
فـ آحسن شي تبتعدين عنهم لان ما ورآهم الا المشاكل وبتحصلين بنآت شراتج وتفكيرهم شراتج
ولا تدخلين مع ناس غير عنج ومب ملتزمين وهذيله فري كل شي عندهم عادي
يعني ماتعرفين شو يسون فـ لا تخلين الناس ترمس عنج والسبب هم او يـآثرون عليج ويخلونج تتغيرين بدون ماتحسين
صدقيني كل مكآن فيه الشين والزين وانتي رآبعتي بنآت مايناسبونج ولا تفكيرهم شراتج
احسن شي انسحبي عنهم بـهـدوء وسلمي عليهم و دوري ناس يناسبونج
لان كل شخص يدور راحته ورآحته اكيد مب مع بنآت فري
والله يـوفقج
انا مستحيل ارابع بنات غير عن افكاري وعن عاداتي