دخل عليج ريلج ويايب معاه هدايا . والصدمة انها من زميلته في الدوام

السلام عليكم
شو رايكم خواتي في هالموقف كييييف بتتصرفين؟؟
دخل عليج ريلج ياي من الدوام وفي ايده هدايا …ومن امنوه ؟؟؟؟؟؟
يقول انه زميلته في الدوام يايبه له !!!
انزين شو المناسبة ؟؟
وبصفتها منو تعطيه الهدايا؟؟
الموضوع بالنسبة لي مو طبيعي ..
كل وحدة تكتب رايها في الموضوووع .. وكييف بتتصرف لو صار معاها هالموقف ؟

اممممم ..
انا وحده عادي عندي ..
اهم شي قالي من زميلتي في الدوام
ما قال من زميلي ولا جذب
بعدين احس الموضوع مب قوي وايد
انا استغرب من الحرمه الي تغار على ريلها
وايد لدرجه تهدم بيتها بنفسها
اللهم ثبت فينا العقل و الدين
ووووووووووووو السموحه
" لا اله الا انت سبحانك اني كنت من الظالمين"

إكييد بتضايج بسس ما بسوي مشكله
واللي تهدي ريال هديه اسميها قليلة أدب
بأي حق تعطي واحد معرس هديه

بأي منااسبه تعطيه هدااياااا ؟!!!

هذاا من نتاايج الاختلاااط ع الشبااب من الجنسين

يعتقدون ان فيه صدااقه بين الجنسين لكن هذاا محرم شرعاااا حبوبة

والرياال الي يقبل هدايا من بنت في الدواام اعتبره ماا يحترم نفسه ولا زوجته ^^

الله يستر ع الجميع ياارب

اتصدقين انه صار معاي بدون ما اتخيل
بس انا ما قالي انها من عند اربيعه وانا
فخاطري ما صدقته وبعدين صارت امبينا مشكله وعرفت
قالي ما كان يباني اعرف عشان ما اشك او ازعل
ما عرفت شو اسوي بصراحه لو قالي قبل جدامه ما ببين اني متضايجه
لانه قالي الصراحه بس من داخل بموت غصه حق شو تهدي ريلي هديه
باي نيه كانت

الله يهدي بناتنا وشبابنا ..

شرعا حتى السلام على النساء من قبل الرجال حرام فمابال الهدايا..!! قولي له الرجل الصالح ما يقبل الهدايا من النساء ولا ينظر لهم ويغض طرفه عنهم,,