دخيلكن ســآعدن زوااجي من الطلاق

السلام عليكم ورحمه الله وبركاته ..

شحالكن خواتي ؟؟

اليوم انا عندي مشكله و حبه اطرحها هني واسمع أرئكن كزوجات ..

مشكلتي ماصارت نادره تقريبا صارت بكل بيت بعضكن انتهت من هالمشكله لوجود الحل عندها والبعض منا مازال يعاني منها .. فحبيت اليوم أسمع حلولكن وآرئكن على هالمشكله ..

مشكلتي ان زوجي مو مكتفي فيني .. يكلم بنات والمشكله الاكبر اني مو متعلمه ويعتبر اني غبيه ما افهم عشان كذي ماخذ راحته .. تزوجته وعمري 17 وهو ولد عمي وصار عندي ولدين هالحين ولين الحين بعده على سوالف الاعزابيه .. بينت له كم مره اني عرفت وتضاربنا على هالسالفه وينكر بالقوووى واذا عطيته دليل يقول ربيعات ربيعي بس هو حاطهن عندي !!!

ماعرفت صدقه من كذبه بس اللي متأكده منه انه قاعد يخوني و دووم يتأخر لين الفير وادق عليه مايرد علي حاولت حاولت مره ازعل وماكلمه ومرات اتميلح مااشي فاايده تعبت وتعبوا عيالي وياي انا مابا احط الطلاق اول حلولي ابا احطه اخر حلولي وفووق هذا البنااات مفلسااات جيبه .. ونادرا مايطلع معي ومع عياله ماظهر الا ويا اهله .. وانا والله والله مو مقصره بحقه عشااه جاهز وغداه لين السرير يوصله من يدخل البيت لين يظهر وانا قاعده وياه .. اكشخ له طوول الوقت كل يوم ستايل ومااشي فاايده حتى عمره ماقالي حبيبتي ولا اي كلمه حلوه لا في تلفون ولا في الغرفه كل الكلام الحلو للربيعاته حتى سوالف عيد الحب والاعياد مو مقصره .. توصله هدايا وعطايا ويقولي من ربعه وانا شاكه وبااالعه مليوون مووس وساكته .. و في مره فتحت بوكه ولقيت رسايل وكم مره لقيت رقم بنات عنده .. هو مززيون وصغير عمره هالحين 22 سنه .. والله تعبت من هالحياه ومنه وبديت اكره عيشتي ..

دخيلكن مابا تعاطفكن معااي ابا حل اي حل وصدقني بطبق حلولكن كلكن ودعوة الين الممات بتنقذ عائلة من التفكك دخيلكن عطوني حل وحتى لو كان صغير ..

الغالية طالما انج مو مقصره معاه من اى ناحيه من النواحى وانا اشوف اسلوبج بالكتابه حلو يعنى مو مثل ما تقولين مو متعلمه ومحشومه انه يقول عنج غبيه انزين حاولى تفتحين مواضيع معاه شوفى شو هواياته وشاركيه فيها ان كان مبارايات سيارات يطالع اخبار افلام اجنبيه اى شى حاولى تهياى حقه الجو المناسب ليستمتع بهواياته وشوفى شو اللى يخله يسوى هالاشياء يطلع ويسهر شو يدور برع وحاولى توفريه حقه بالبيت وثقفى عمرج طول ما انتى يالسه بالبيت يعنى اقرى بكل المجالات ادب سياسه دين التعليم ياختى موب بس تعليم المدارس التعليم تعليم الحياه واذا شفتى عمرج انج ما مقصره بشى بس هو الله يهديه بس هاى اطباعه فوضى امرج لله ولا تشغلين عمرج بسالفته مرده لج ولبيته ما تحسسينه انج بس يالستله لا حسسيه ان عندج اهتمامات وخصوصيات عندج برنامج معين تحبى تتابعينه هوايه معينه تحبى تمارسينها اشتركى بنادى والعبى رياضه اطلعى سيرى لاهلج ربيعاتج تزاورى مع هله يعنى بمعنى اصح طنشيه خله هو اللى يدورج واى مساعده اختى انا حاضره يمكن كلامى مخربط بس لانى اكتب والله وانا مصدعه والسموحه

شو يعني مب متعلمة أنا جدتي ما تعلمت وقسما بالله تأخذين منها نصايح وتشوفين أسلوبها فالبيت وفتربية أولادها تقولين معاها دكتوراة هذا مب مبرر أبدا وبعدين تقدرين تتعلمين في أماكن تعليم الكبار العلم ما له سن معين وصدقيني سوالفه هاي بيي يوم بيبطلها ودايما ذكريه بعقاب ربنا وإن شاء الله الله يهديه لك ولعياله واصبري واحتسبي ولا تفكرين وايد وتحرقين أعصابك .

سبحانك اللهم وبحمده سبحان الله العظيم

اممم .. يمكن اهتمامج الزاااااايد هو السبب ,, حلو الوحده تهتم بريـلها بس مب تـحاصره ..

ربي يوفقج و يكتبـلج الـخير حبيبتي

الريال بعده صغير ومعظم ربعة في عمرة وعزابية وهاذي المشكلة >>> أنتي اسااس البيت عودية ع المسئوولية لانه شكلة مو متعود علي المسئولية لا تعصبين علية ولا تصرخين لان بسوي شي يقهرج ويعاندج وشي ثاني هاذيل البنات يالي يرمسون شبااب ما توقعوا انه متزوج لانه22 وطبعا هو ما خبرهن ..انتي يالي عليج انصحية بالاسلوووب الحلو حاولي اتخلينه مع اليهال وانتي انزلي سيري عند الاهل حتي لو ساعة او مثلا يساعدج في البيت او طرشية الجمعية بروحة.. الزبدة لا تحملين المركب رووحج ادعي ان الله يصلح حالج وحال ريلج ويحفظ لج عيالج

والله كسرتي خاطري من اسلوبج واضح انج طيبه وااااااااايد وراقيه ومثقفه وايد وعندج اسلوب حلو. بس للاسف مرات الطيبه ريلها يكون خاين ومقصر معاها والشريره الخبيثه ريلها يكون محب لها ومب مقصر وياها بشي.

انا اشوف ريلج لانه بعده 22 يعتبر مراااااااااااااااهق والمراهق احسن طريقه لتعامل معاه هو المشاركة يعني حاولي تشاركينه باي هوايه يحبها وخليج مستانسه بالهوايه اللي يحبها حتى ولو ماتحبينها وماتستانسين فيها. حطي ببالج انه مب كل الريايل يستعبون مدى اهتمام حريمهم بسرعه بمعنى اخر لاتحطينه اول اهتمامتج وتقولين انا بهتم فيه عشان يحبني ويترك بنات الحرام لالا.ومب كل الريايل يحبون الحرمه ادلعهم ويحمدون ربهم على هالشي بالعكس يقولون هي تسوي لنا كل هالامور لانها تحبنا وتموت فينا اكثر عن نفسها وبهالطريقه الريال ضمن حب الحرمه وحط ببطنه بطيخه وسار لبنات الحرام. انتي لازم ماادلعينه بزياده يعني غداه لين سريره ليش مريض لاسمح الله؟!

انا مب قصدي انج تهملينه وتضيعينه بالعكس اكسبيه قد ماتقدرين بس بعيدا عن الدلع والاهتمام الزايد و مب بالهدايا والاكل لا حاولي تكونين قويه ودلوعه بنفس الوقت يعني دلعي نفسج اصبغي وتعدلي واكشخي وتعطري والبسي ملابس واشتركي بنادي لو تحتاجين لو ماتشتغلين اشتغلي لو ماتدرسين ادرسي تعلمي مافيها شي واظهري دلعج لنفسج خصوصا باوقات الدوره عشان مايتحراه عشان شي معين ولابتاريخ زواجكم او اعياد او غيره عشان مايتحراه بس عشان مناسبه معينه. هو بروحه بيستغرب انج بديتي تهتمين بنفسج اكثر عنه بكل الاوقات واهني بيبدا يلتفت لج وشوي شوي يتقرب. بس لاتبينين انه هالشي بسببه او انه هالشي عشان تقهرينه واهني بتكونين انتي محوره. يعني بيدرك انه في شي مخلنج تتغيرين بهالطريقه وبيحاول يتقرب منج اكثر لين ماترجعين نفس قبل بس حاولي ماتضعفين وتردين نفس قبل.

قولي مثلا انا انسانه من حقي ادلع عمري واتعدل واعيش حياتي شو فيها؟(ترى في ريايل يحبون الحرمه اللي مستقره بكشختها وبحياتها قويه بشكل عام ومب مخلتنهم محور حياتهم كلها)

وفي ريايل يحبون يضعفون من شخصية الحرمه القوية عشان يستوي هو اقوى عنها بكل شي خصوصا وانه خلاها من امراه قويه مستقره الى امراه ضعيفة الشخصية مهزوزه.