رحمتك يا الله ——————————————————————————–
لا تنسوني من دعائكم
اخواتي العزيزات
أحبكن في الله
ما ادري شو اقول لكن من الضيقه و لاني احس انه كل شي تسكر في وجهي
اكتبلكن و دموعي على خدي
ما ادري كيف اتصرف او شو اسوي
الدنيا ضاقت بي بعد وفاة الوالد الله يرحمه ،،، المسؤوليه كبيره و ما عدت اقدر اتحمل
الدنيا تغيرت و الناس و النفوس تغيرت ،،، كل شي صار مادي مادي مادي ليش؟؟؟
خواتي
اطلب منكن تدعولي بقلب صادق ان الله يفرج همي و ييسر امري
والي تقدر تساعدني بكون شاكره لها
المفروض اني انا و اهلي نطلع من البيت المستاجرينه في اخر ها الشهر
و مصدومه من ايجارات البيوت الخياليه حسبي الله و نعم الوكيل الغلاء المعيشي كيف صار
صار اسمه انعدام معيشي،،، الله كريم
الي تعرف او اهلها يملكون بيوت او شقق للايجار في بوظبي تحاول اتساعدني و ان شاء الله في ميزان حسناتها،، والله ما اقدر اتحمل اسعار الايجار الحالي
كل مكاتب العقار يتكلمون بالميات الالوف،،، طيب من وين،، الله لا يجعلني ارضى بالحرام و يصوني و يحفظني و يعفني عنه بالحلال،، للعلم انا من جنسية عربية الحمد لله اشتغل و الحال مستور وما ادور شي ببلاش ولكن شي يقبله المنطق ايجار شقه معقول والله كريم
والي تدعيلي في ظهر الغيب و في صلاتها بكون شاكره لها والله يجزيكن كلكن الخير
اختكم في الله