دعوة من القلب

دعوة من القلب،،،
يمكن تستغربون من العنوان بس عقب كل الي قريته منكم عن انفلونزا الخنازير ودي اقولكم ليش ماندعي حج بعض وحج كل المسافرين بدل ماكل وحده تحط ع الي بيسافرون باسلوب انا عاجزة عن اني ارد عليه، مثلا وحده مره ردت وقالت" الي بيسافر يسافر كيفه بس لاتردون البلاد لين ماينتهي الموضوع فكونا عاد" شو هالاسلوب الجارج عيب يابنت انتوا مي يهال احنا خلاص كبرنا واظن ان اسم المنتدى سيدات الامارات يعني مفروض نكون قد هالكلمة،،،انا ماأبغي انتقد حد بالعكس ابغي كلنا نعامل بعض مثل ما الرسول عليه السلام وصانا بكل حب واحترام فخلونا ندعي حج بعض في هاليوم المبارك وهالساعة المباركة من هاليوم ان الله سبحانه يبعد عنا المرض وعن كل المسافرين ويحفظنا ويحفظ امتنا الاسلاميه من كل شر..
ياخواتي محد منا يقدر يرد عن الثاني شي بس مايرد القضاء الا الدعاء" ف شو رايكم نخصص هاليوم للدعاء حج كل المسافرين ان الله يحفظنا من هالمرض..,.
يارب احفظني واحفظ بنوتي نور عيوني في هالدنيا واحفظ لي ريلي واحنا مسافرين الاسبوع الياي وردنا حج اهلنا سالميين" واحفظ كل وحده منا بسافر واحفظلها كل اهلها يارب…
وفي النهاية ابغي اقولكم خلوا بالكم ع عماركم وع عيالكم وتره "الله الحافظ" وهذا هو دعاؤنا كل ماسافرنا "الله انك انت الصاحب في السفر……."

اخر شي احب اضيفه جملة ابويه الله يرحمه الي كان يرددها لين اخر لحضات حياته "وماتشاؤون إلا ان يشاء الله" الله يرحمك يااغلى ابو في هالدنيا…

الله يحفظج الغاليه على اسلوبج الراقي والله انج ونستيني برمستج كلامج 100% صح..
الله يخليلج اهلج ويخليلي اهلي واهل اليميع ان شاء الله وتروحين واتردين بالسلامه حبيبتي..

كلاااام من الذهب .. تسلمييين حبيبتي

كلمة شكر اوجها لكل من رد عليه …
وأكبر منها كلمة اعتذار لكل من جرحته حد بدون قصد…
ان شالله سفرنا تاريخ 18 مايو يوم الاثنين…والله الحافظ

الله يعافيلج ابوج يالغر الحشيم ويرده اكم بالسلامة ان شالله وتفرحون بردته يارب