دفعت الايجار السنوي للشقه و ناويه اطلع منها قبل ما اوفي السنه فهل بردولي جزء منه؟

هلا بنات

حبيباتي الي تفهم في هالشغله تجاوبني

انا ساكنه بشقه و دفعت الايجار السنوي كامل ع دفعتين اول دفعه لما سكنت و الثانيه عقبها ب 3 شهور

و الحين ناويه اطلع من الشقه و بعدني ما وفيت سنه فيها فهل برجعولي جزء من المبلغ الي دفعته لاني ما وفيت سنه ؟؟؟؟

ياليت أحصل جواااب

السمووووحة ما عندي خلفية عن الموضوع
ان شاء الله حد يفيدج
للرفع

والله الي اعرفه لاااااا ماظنتي
لاني اذكر يوم كنت فبيت الايجار وخلصت بيتي وباقلي عالعقد 5 شهور وحبيت اظهر وسترجه مبلغ ولو بسيط بس ماطاعاااعو

والله اعلم بعد والله

مشكووووووورات خواتي ع الرد

و انتظر مشاركات اكثر

الغالية احسن لج تييين مستأجر يديد وهو بيعوضج حطي لج اعلان في الوسيط عن الشقة وهم بيكملون بيعطونج بيزاتج

انا اللى اعرفه حميتي نفس موضوعج فاااجرته على ناس وشلت افلوسها منهم

الشقة وين محلها يمكن استاجرها من عندج اذا مافيه مشكله