السلام عليكم ورحمة الله وبركاته
خواتي حابة استفسر عن الدكتورة زينب هل بعدها موجودة وتعالج .. انا سمعت انها انتقلت عيادة ثانية في جميرا بعد ما كانت عيادتها قريب دوار الساعة ..انا محتاجتنها ضروري .. اتصلت البدالة وطلبت ارقام عيادتها عطوني كم رقم .. شي منه مقطوع وشي محد يشله وسمعت البعض يقول انها توفت والبعض يقول تقاعدت .. محتارة واااايد ومب عارفة كيف اتصرف .. بدش شهري التاسع وراس البيبي فوق .. ومحتاجة دكتورة شاطرة تحيس لي البيبي وتنزل راسه لتحت وهي الوحيدة اللي اعرفها .. ممكن تساعدني في هالشي .. ياليت اللي تعرف ارقامها او رايحة لها من فترة قصيرة تفيدني .. او اذا تعرفون دكتورة ثانية شاطرة ممكن تعدل لي وضع الجنين وترجع راس البيبي تحت ساعدوني الله يخليكم .. نفسيتي وايد تعبانة ..
الله هون عليج و ييسر لج
وربيعتي تقول هو في الوصل.. وجنج طالعة من المستشفى الايراني بتروحين جميرا.. بتلقين محطة بترول فيها مكدونالدز على ايدج اليمين.. وعقبها لفة على اليمين تدخلينها على طول
وبتلقين العيادة على ايدج اليمين تقول يبتدي بحرف ال S بس ما تذكر شو الاسم
043442400
ادعوا لي ان الله يوفقني ويرجع الراس تحت واولد طبيعي بأذن الله