دكتورة شاطرة تعالج الاجهاض باذن الله

بنات حد يعرف دكتورة شاطرة يعني اذا فكرت احمل مره ثانية اروح اراجع عندهااا يعني عندهاا خبره من ناحية ابر التثبيت او اي شي يثبت الحمل باذن الله اتمنى الي تعرف ما تبخل علي

ماعندي فكره والله يسهل عليج اختيه

مشكورة اختي عالرد

انا خالتي فديتها كانت كله تجهض تقريبا 7 مرات … مايكتمل الحمل عندها

ومحد اكتشف شو فيها وسافرت تعالج ماشي فايده ..

و مره مدحولها دكتوره نوال الخالدي وحزتها كانت في مستشفى المفرق واكتشفت عوقها

وتمت وياها تعالج والحمدلله حملت اول حمل سليم ويابت ولد وعقبها حملت مره ثانيه ويابت بنت وثالثه يابت بنت ..

وتتابع وياها من بدت العلاج لين الحين كل حمال تتابع وياها

واحيدها طوال فتره حملها تضرب ابر … لانه قالتلها فيها جرثومه القطط هي الي تسبب الاجهاض المتكرر

وانا بعد ماشفت حاله خالتي صرت اراجع عندها لاني اجهضت اول مره

والحمدلله كملت هالحمل ويارب يثبته للاخير واربي بالسلامه ..

وهي بعد اكتشفت انه فيني قصر عنق الرحم والحمدلله بسرعه تداركت الموضوع وسوت لي ربط

والا كان البيبي نازل فالشهر السادس

.
.

اذا انتي من بوظبي نصييييييحه سيري لها …

هي حاليا في مستشفى الامارات كوزمسيرج ..

الدكتوره دينا فنانه

بس الدكتوره وفاء في مستشفى ميد كير
احسن لاني تابعت وياها خلال حملي لانه كنت في خطروكانو مابيستقبلون حالتي حتى مستشفى الوصل ماعرفو شوفيه

بس منوميني على الفاضي بس هي ساعدتني واكتشفت انه العمليه الي قبل مسوتنها مفتوحه من داخل وولدت عندهم وخياطتها واايد اوكيه اقصد القيصريه وهي شاطره وحبوبه

انا الحمدلله مااجهظت ولا مره

بس وحده من معارفنا كانت تجهض اكثر عن مره وماخلت مكان وسافرت ماشي فايده
وتعالجت واكتشفو ان الدم مايوصل للجنين بعد مايكمل ثلاث شهور وتمو يعطونها ابر لين ولدت عندهم ويابت ولد والحمدلله

انا اجهضت مرتين ما كنت اعرف السبب وبعدين حملت في بنتي كملت شهر واسبوع بدء ينزل مني دم
عمتيه ودتني نيو مديكل عند الدكتوره شتي
عطوني ابرة تثبيت والله بعد ساعه بدت عندي اللوعه ودوخه وقالت انتي عندج الهرمون البرجستون ما يرتفع عشان جيه تجهضين وكانت تعطيني الابره كل 4 ايام لين اكمل الرابع وبعدين سرت اخذ الابره في كل حملي