شحالكم خواتي
المهم ندخل في الموضوع
هاي مشكلة ربيعتي الي وعدتها اعرضها هني في المنتدى …
ربيعتي سوت عمليه عند الدكتور شجاع من 26 يوم … شكلها تغير ..يعني بوزها شكله غير ..وخشمها مب مرتب
على انه العياده متروووسه من البنات وكلهم نتايجهم رووووعه محد اشتكى منه ابدا ابدا
وخذ عنها 30 الف درهم
عدل لها الانحراف وكانت فيه لحمه صغيره في خشمها شلاها لها وضعف لها خشمها شويه من فوق..
السؤال
هل هاي هي النتيجه ؟.. وهل تتغير ملامح الويه ؟
حد جرب الدكتور شجاع وكانت النتيجه مب زينه ؟؟
الكل قالها صبر 6 شهور
وفي شي ثاني بعد شفايفها قبل كانت بارزه اللحين نوعا ما مسطحه flat
هل كل هذا التغيير معقول من خشمها الي صار فيه تصليح بسيط ..
نورونا وخبرونا بليز .. لانه البنت شارفت على الانتهاء وخصوصا عرسها شهر 2 ..
اترياااااااااااااااااااااكم والي له خبره يخبرنا يزاكم الله خير
ربي يهدي الجميع ولا حد يغير خلقة رب العالمين
الا اذا كان شكل الانسان مشوه
الله يصلح الحال
المشاركة الأصلية كتبت بواسطة تراجي 
ردج يبرد القلب وباذن الله تصير احسن ..
خواتي الباقيات الي لها تجربه او تعرف حد مسووويها ننتظرركم ويزاكم الله خير
يعني ويها متزرر مشدود ومتبنج ..
يباله فتره لين يرد عادي ..
ضربت الابره .. تنفخ .. الويه .. و يبالها اسبوع لين يخف الورم
ف مابالج ب عمليه فالخشم ..
الويه حساس فكل شي يتاثر .. ويتشنج ..
بس بعده فتره خلاص .. يرد طبيعي ..
ولو عطاها مضاد حيوي تلتزم فيه والادويه ..
لين تتشافى من الجروح
ولا تخاف ..