دلوني تكفون

دلوني الله يعافيكم .. بطرح قصتي باختصار , انا متزوجه من اثنى عشر سنه ساكنه ويا اهل زوجي عشان هم يريدون ولدهم وياهم ونحن حالنا من الناحيه الماديه مرره زينه والحمدالله يعني نقدر نبني قصر, ومب مقصرين على اهله ابدا . المهم انا تعبت وايد من تصرفات امه بالذات غريبه وتعبت ارضيها علشان ولدها واللي يموت فيها وفي اهله وانا مقدره واعرف بس ابتديت احس بقلبي مب الاولي , اتعب واخاف على عمري وعيالي لاني غبيه ما عرف ارد وجبااااانه ويستغلون هذا فيني وانا ما لي قدر والسبب انا دايما اقول الله وياي والمهم نيتي وعشان ما يزعل زوجي وووو
لكن وصلت مرحله اخاف انفجر فيها والله ما استاهل اللي يستويلي استوى قلبي يعورني وما اقدر انام زين . ولما اشوف حريم من الاهل ومن سني وكيف عايشين مرتاحات ولهم قدر عند الكل اغاااار
الحين بس اريد اعرف هل كل هذا له اجر عند رب العالمين ؟ يعني لما العبد يكون ضعيف وجبان الله يحبه ويأجره على تحمله لاجل الغير وخصوصا الزوج واهله ؟ او لا , لان الله خلق الانسان حر ولازم يدافع عن حقه وما عليه من النتيجه لان الله وياه ؟ اتمنى اللي لهم معرفه دينيه يجاوبوني ويفيدوني لان اخاف لا اطول دنيا ولا اخره

قصتي مثل قصتج بس الحمدلله بنيت بيت ضغيرون جريب منهم وارتحت والحمدلله عقبالج ان شاءالله

الله يعينجانشالله البنات يفيدوج ومايقصرون وياج

هذا حقج مب ع كيفهم اوكي ولدهم ويحبونه بس في النهاية الحق حق واي انسانه اتزوجت اكيد تبا يكون لها بيت بروحها مستقله فيه مثل ما امه عاشت ويابته في بيت روحه وكملت حياتها مع زوجها مستقلين

هل كل هذا له اجر عند رب العالمين ؟
باذن الله ماجوووره وكيف مب مأجوره والله قال في كتابه العزيز((وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ))

يعني لما العبد يكون ضعيف وجبان الله يحبه ويأجره على تحمله لاجل الغير وخصوصا الزوج واهله ؟

هذا ما يسمونه ضعف يسموونه الصبر يالغاليه وانتي تحبين ريلج عشان جذيه مستحمله وانتي متاكده في قراارة نفسج بان الله بيناولج مرادج ولو بعد حين ..

او لا , لان الله خلق الانسان حر ولازم يدافع عن حقه وما عليه من النتيجه لان الله وياه..

شوفي ممكن تدافعين عن نفسج جدام ام ريلج بالحسنى والكلام الطيب واذا مافاد امرج لله بعد شو تسوين ..هاي ام ريلج ال…بالنسبه لج اكيد

وانتي لو ما فيج قدره للتحمل ..ماصبرتي 12سنه ..

وشي ثاني خليج قنووووووووعه ولا تطالعين احدثاني وتقولين اشمعنى اهم ..يكفي حبه لج وحبج له.

وبعدين شوي شوي دخلي لهم او زوجج مب انتي عشان ما يشيلون عليج خلي ريلج يقول لهم يبني حذاهم بجذيه بيكون عندهم جريب^^

والله يديم بينكم المحبه يارب

الصبر مفتاح الفرج يا اختي

الصبر ما شيء احسن منه يمكن الواااحد يغضب وثور لكن النهاااية يتعوذ من الشيطان الرجيم ويحتسب من الله خير ..

اخيتي اعلمي ان لكل ضيق مخرج والله يفرج همج ويهدي امه ويصلحها …