سلام يا مبدعات..عندي مشكله و محتاجه خبرتكن في ديكور الحدايق اللي ما افهم فيه حرف و بكل ثقه متحديه زوجي اني بخلق له جنه من لاشيء و يوم اقول لا شيء يعني لا شيء هههههه….خرفت اليده بطه….بس صدق البيت كله صب انترلوك ما فيه حديقه اصلا بس اللهم شريطين تراب عالجانبين حذى اليدار الخارجي واحد يبين و الثاني لا…يعني لعبتي بتكون في الاصايص و الجرار بس ابغي ابداااااع و فن لأن زوجي ياب مصمم حدايق لاعت جبدي من ذوقه تقلييييييدي و ميت بس بيصف لنا اصايص بشعه عند المداخل…مب هذا اللي ابغيه..
وصلنا للزبده..انا بقول فكرتي وانتوا ساعدوني بليز في التنفيذ بذوقكن و ابداعكن وخبرتكن في اماكن تواجد الاغراض …
بسم الله…
1)المساحه الشريطيه(دوده)اللي حذى اليدار:
طولها تقريبا 6 متر و عرضها 1 متر يطلن عليها شبابيك الميلس و تبين للي يدخل البيت(يعني ما أزرعها طماط و كزبره…هههه)..هذي بغيت ازرع فيها ملكة الليل و نبته صغيره مثل اوراق الاناناس ما عرف شو اسمها و الوي فيرا(حق شعري هههه) و اغطي التراب بالحصى الابيض.طبعا من كل نوع اكثر من وحده حسب المكان.
السؤال: وين فيه مكان يبيع هالنباتات و الحصى ؟ كيف اجهز الارض؟ انا بييب واحد من المزرعه بس متعود على نخيل و لومي مب ملكة ليل..
2)واجهة البيت و المداخل:
هنيه بتكون اللعبه ههههه..فيه زوايا ابا احط فيهن اصايص حجر فخمه بطريقه كلاس ..يعني مثلا ثلاث اصايص على شكل قوقعه حلزونيه بأحجام مختلفه اجمعهن في زاويه شفتهن في هوم سنتر بس مب حجر فايبر خفيف ما عرف اذا يستحملن زراعه او حتى مب لازم ازرعهن بدون زراعه شكلهن احلى…في زاويه ثانيه كور حجر بأحجام مختلفه او حصى كبار بينهن شجيرات بأحجام مختلفه و قوالب للشموع.
السؤال: وين احصل هذا كله؟ اصايص فخمه و مبتكره؟ شو نوع الشجيرات اللي تناسب؟ اي افكار ثانيه؟
3)المساحه الشريطيه الثانيه: مب مبينه ابدا بترسها من الرويد و الكزبره و النعنع هههههه مصررررره امير المطبخ
ها الغاليات شو رايكن علما باني في دبي (هذا نطاق الشوبنغ)..وبكون ممنوووووووووونه يالحلوات..اترياكن العيد ياي…شكرا
وصلنا للزبده..انا بقول فكرتي وانتوا ساعدوني بليز في التنفيذ بذوقكن و ابداعكن وخبرتكن في اماكن تواجد الاغراض …
بسم الله…
1)المساحه الشريطيه(دوده)اللي حذى اليدار:
طولها تقريبا 6 متر و عرضها 1 متر يطلن عليها شبابيك الميلس و تبين للي يدخل البيت(يعني ما أزرعها طماط و كزبره…هههه)..هذي بغيت ازرع فيها ملكة الليل و نبته صغيره مثل اوراق الاناناس ما عرف شو اسمها و الوي فيرا(حق شعري هههه) و اغطي التراب بالحصى الابيض.طبعا من كل نوع اكثر من وحده حسب المكان.
السؤال: وين فيه مكان يبيع هالنباتات و الحصى ؟ كيف اجهز الارض؟ انا بييب واحد من المزرعه بس متعود على نخيل و لومي مب ملكة ليل..
2)واجهة البيت و المداخل:
هنيه بتكون اللعبه ههههه..فيه زوايا ابا احط فيهن اصايص حجر فخمه بطريقه كلاس ..يعني مثلا ثلاث اصايص على شكل قوقعه حلزونيه بأحجام مختلفه اجمعهن في زاويه شفتهن في هوم سنتر بس مب حجر فايبر خفيف ما عرف اذا يستحملن زراعه او حتى مب لازم ازرعهن بدون زراعه شكلهن احلى…في زاويه ثانيه كور حجر بأحجام مختلفه او حصى كبار بينهن شجيرات بأحجام مختلفه و قوالب للشموع.
السؤال: وين احصل هذا كله؟ اصايص فخمه و مبتكره؟ شو نوع الشجيرات اللي تناسب؟ اي افكار ثانيه؟
3)المساحه الشريطيه الثانيه: مب مبينه ابدا بترسها من الرويد و الكزبره و النعنع هههههه مصررررره امير المطبخ
ها الغاليات شو رايكن علما باني في دبي (هذا نطاق الشوبنغ)..وبكون ممنوووووووووونه يالحلوات..اترياكن العيد ياي…شكرا
نسيت اضيف معلومه…النباتات لازم تكون دائمة الخضره و صبوره ولا تتأثر بعوامل التعريه او الاهمال ههههههه اقصد مابغي ورد بس نباتات خضرا عشان مب كل اشوي اغيرهن حسب الموسم تراني مجربه…وشكرا
هممممممم…اسمع صدى صوتي مع ضجة الناس…العشره اللي مروا واللي انا منهم مرتين وينهم؟
هممممم….ويعلى صدى صوتي
االسموحة الغالية ما حبيت اطلع من غير ما ارد عليج بشي بس انا مالي خبرة في ها السوالف وعن نفسي حاطة في بالي مصمم حدائق ،، اذا تبين بطرش لج رقم مصمم ديكور وحدائق عجيب خذت رقمة من معرض البيت المثالي في المركز التجاري ،، اذا تبين خبريني
والله يوفقج ان شاء الله
والله يوفقج ان شاء الله
فروحة حبيبتي ما تقصرين الغاليه…ما عليج امر.. ممكن اطرشين لي رقم المصمم؟ و هو من وين؟ مشكوره يالغلا
شو رايج اتحطين صورة المكان الي تبي تحطي النباتات؟ لان الزوايا بتكون اوضح
وان شاء الله نفيدج بالنسبة للحصا اذا كنتو ساكنسن قريب بحر ترا الصخور البحرية حلوة اشكالها وتقدرين اضيفين صبرا بين الاحجار ونباتات افرعها طويله
وان شاء الله نفيدج بالنسبة للحصا اذا كنتو ساكنسن قريب بحر ترا الصخور البحرية حلوة اشكالها وتقدرين اضيفين صبرا بين الاحجار ونباتات افرعها طويله