ذبحونا بمواد الشراكة رياضيات /علوم /إنجليزي

بصراحة أنا مب قادرة حتى أدرس عيالي مواد الشراكه في المدارس الحكومية لأنه يعتمدون بس على الي ياخذونه في المدرسة مب فاهمه شي المهم الله يعدي السنة على خير

يا ريت يالغالية تفهميني اكثر شو هي مدارس الشراكة؟ واريد اعرف اسماء بعضها وكيف نقدم عليها لاولادنا وهل في شروط للقبول؟ وهل هي نفسها اللي اسمها مدارس الغد؟؟؟؟؟؟؟؟.

مدارس الشراكه بس في ابوظبي والعين والمنطقه الغربيه

قمرين وبس
نفس المعاناة
الله يعينا ويعين عيالنا ويوفقهم يارب
أحس الوزارة قاعدة اتخبص متعرف شو اتسوي وعيالنا هم الضائعين

والغد بصراحه ماعرفت كيف اوصل المعلومه لبنتي في مادة الرياضيات اما العلوم ماعرف عنه شي لانها تخليه في المدرسه والله يعين..

نفس المشكله مادري المدرسه في حصة الرياضيات شو اتعلم البنات بنتي بعد مدرستها شراكه صف ثالث الحمدلله هي من الاوائل بس جدول الضرب ماحفظته بعدها والجمع والطرح الي هي اساسيات الرياضيات ماعلموهم عدل والله قلبي ايعورني مدري شو اسوي وياها

كلنا في الهوا سوا
بس الله يعينا