ذبحوني بنات الدوام . كيف تتعاملون في نفس حالتي

هلا بنات

اخ قلبي مقبوض و ابا اسولف و ياكم و تنصحوني و تشجعوني شوي .

انا اداوم حاليا و مشكلتي فالدوام البنات ,

هب عارفة شقايل اتعامل معاهم .. انا طبيعتي وايد طيبة و اسامح و اللي بقلبي علساني و مرات في بنات ما يعيببهم

و مشكلتي الاكبر الحسد , يعني فجاة بدون سبب الاقي اللي اعتبرتهم صديقات متغيرات بس بشكل خبيث يعني نتكلم لكن مثل في شيء اسود بالقلوب

و كل هذا بسبب اني توفقت باشيا معينة و تفوقت بالشغل و اهتموا فيني المسؤولين و هالشيخلاه يغارون.

مع ان فيني طبع صدق خاااايس اللي هو اني ما اعرف اتكبر و اسوي بريستيج ,دومي متواضعة لحد ما داسوا على باسلوبهم

يعني ليش الناس جي تحب اللي ما يعطيها اهمية , مع اني متاكدة انهم اذا كانوا مثلي فالشغل كانوا حتى السلام ما بيعقونه

صدق نفسيتي ارف بسبة هالبنات فالدوام

و المشكلة اني اضطر اتعامل معاهم

علموني كيف اكون هالشخصية

ليش الناس جي

كيف اتجنب القيل و القال

ياااارب اكفيني شرهم و عطني خيرههم

و كل وحدة ترد على لها دعاء بظهر الغيب و من فرج عن مؤمن كربة

الله يكون بعونج ياقلبي

اختي عاملي الناس بأخلاقج وكل شي بأجره (لا تنسين هالشي)
والحسوده هي اللي قلبها يحترق انتي شعليج منها

ولا تعطينهن اكبر من حجمهن هن إلا زميلات وبالتوفيق لج حبوبة

انا ما بقولج سوي طاااااف .. انتي جي والا جي بتتعاملين وياهم و بتمين وياهم نص يومج لازم عالاقل العلاقه تكووون عاديه بدون مشاكل ولا شي والا كل يوم نفسيتج بتتعب

بقولج شي

بس يمكن انتي كنتي تتكلمين عن هالمدرا و الاهتمام و شغلج و تطوراتج في الشغل .. بقصد السوالف بس

والشغل تراه ارزاق .. يمكن ربج رزقج و غيرج بعده

والبنات اللي وياج ما تدرين من كم سنه يتريون هالشي يصيرلهم
واخر شي وحده من بينهم تحصل كل شي ببرود و تيلس تسولف عن هالشي جدامهم جنها تقهرهم .. وحتى لو هالشي مايا ببرود هم مابيشوفون الشغل بيشوفون النتيجه اللي حصلتيها

ادريبج فديتج انتي ما تقصدين .. بس اذا صدق كنتي تتكلمين عن هالشي جدامهم .. فسكري هالمووضوع بتاتا

واذا يابو طاري الشغل ذكريهم انه ارزاق وشغل الدنيا مب مهم كثر ما مهم نشتغل حق اخرتنا
يعني جي من هالكلام .. لان هالكلام هو الكلام الصح وبعد بتبتعدين عن الحقد

الله يهديهم

نفس اللي بقووله