الكل يعرف ان الاومليت باب الابداع وتغيير المكونات فيه واسع ومرن
بس المكون الرئيسي اكيد البيض
دايم كنت احط الطماط بس هالمرة صادف اني ماحطيت وحطيت بدالها البيبي سوسج 
المكونات
بيض (انا حطيت 2)
اكيد ملح وفلفل
شوية زيت زيتون
6 حبات نقانق من البيبي سايز 
قطعتهن على السريع
مشكلة اليوع آخر الليل هههههههههه
شوية مخلل هلابينو هذا ممكن تحطون بداله قرن فلفل مقطع صغار
عقب ماخلصت وانا ما احبه وايد ناشف جلبت نص القرص عشان يكون على شكل نص دائري
ونثرت فوقه شوية جبن موزاريلا امممممممم لذيذ
الاومليت مايباله شغلة ولا احتراف
بس يباله وحده يوعانه بذمة وضمير
تحطين شوية زيت زيتون في التاوة ومن تحر شوي
صبي الخليط المكون من المكونات اللي ذكرناها
وسوري بنات انا ماكنت ناوية انزل الموضوع بس وانا يالسة على النت ومستمتعة بالاومليت لا وبعد كلت نصه
فجأة يى على بالي اصور وانزل الموضوع
وفعلا اليوع كافر
بعدنى خلصت صحن بيتزا مرتديلا يمممممممى
ممممم قمر الزمان شهيتينا بالبيتزا
شكلي بحطها فبالي اذا قرصني اليوع اخر الليل
