كما هو واضح من العنوان ما هو رأي الزوجة في الزوج او الرجل الذي يستخدم عطور نسائية وهل ترينه نقص في رجولتـه ام انه شي عادي ؟
أتمنى اسمع ارائكم بصراحة ..
لا ابدا في وايد عطور نسائيه تناسب الجنسين وكل واحد وذوقه وانا ريلي يستخدم عطوري اكثر عن يستخدم عطوره وحتى يعرف يختار عطور نسائيه حلوة بس ابد ما اشوفها تمس رجولته
ضحكتيني والله شو يخص العطر في شخصية الريال انا ريلي ما يستخدم عطوووور رجالية كلها نسائيه لانه عنده حساسيه من العطووور القويه و العطور النسائيه هاديه موب شرااات مال الرياييل
حتى ابويه الله يحفظه يستخدم اي عطر يعيبه
وبالعكس مافيها اي شي
المسك ودهن العود ولكلا الجنسين
بس أحينه عشان سالفة سحب الفلوس سووا عطور هادية للحريم والقوية للرياييل
وعادي ما فيها شي
المهم ريحته تكون طيبة
واغلب العطورات النسائيه احسها تنفع للرجال والنساء مب شرات العطور الرجاليه اللي احسها مول ما تنفع للبنات
وشي رياييل يستخدمون العطور النسائيه لانه ريحتها هاديه وخفيفه مب قويه شرات العطورات الرجاليه
المهم الريحه حلوة…