كيف حالكن إخواتي وشحال عيالكن ؟؟؟إن شاء الله بخير وعافية …
أخواتي أنا بحاجة إلى نصايحكن ومشورتكن …
ولدي عمره 4 شهور …أرضعته طبيعي منذ ولادته …بس كان ما يرضع وايد يعني احسه ما ياخذ حليب وااايد …بس كنت متصبرة عليه وما اعطيه حليب صناعي ..بس المشكله أنه الحين يرفض يرضع من صدري وكله يصيح معني ما علمته على الرضاعة كان يوم صغير يرفضه فتره ويرد يرضع بس الحين ما يرضه إلا في الليل يوم يكون نايم …..جربت أعطيه حليب سيميلاك …عطيته مرتين ..وفي كل مرة شرب كمية قليلة ..ولكن عقب ما يشرب كان تضظرله حساسية على ويهه ويصيح وااايد ..فقلت اكيد سواله حساسية لإن عندنا في العايله حساسية وولد عمه كان ما يقدر يشرب الحليب الصناعي …فقلت انا أكيد هو بعد عنده حساسية لآن جسمه كله جاف وخشن …خذت له حليب الصويا (حليب نورسي )..وعطيته الحمدلله ما سواله حساسية بس أنا خايفة من هالحليب ..بعدين هو يشرب حوالي 60 مل معنه عمره 4 شهور والمفروض يشرب 180 مل مكتوب على العلبة …وياخذ وقت طويييييل لين ما يخلص 60 مل ومرااات ما يخلصه ..أنا قلت اكيد ان معدته صغيرة لانه متعود من يوم ما كان صغير ما يرضع واااايد …بس الحمد الله وزن لا باااس…
هو ثاني ولد لي الاول نفس الشئ عاااف صدري معني ما كنت اعطيه الرضاعة وعااف الرضاعة بعد …كانت معاناه ,,,وولدي هذا عاااف صدري بعد …؟؟؟الصررراحة ما ادري ليش اولادي جيه ما أدري شو يصير بهم …بس الحمدلله على كل حااااال …
آسفة اني طولت عليكن بس خاني افضفض لان الام صعب عليها تشوف رضيعها يوعان ومب طايع يرضع ..
ابا نصايحكن ..بالنسبة للحساسية ..وأفضل حليب للي عندهم حساسية ..وكيف أخليه يرضع من صدري أو يشرب كميه أكبر من الرضاعة …..وشو أحسن حلمات يقدر الياهل يرضعهن بسهولة .وبعد شو تنصحني بالنسبة للاكل أكله بعد الرابع ولاء بعد السادس ..والسموحة منكن بس انا بجد محتاااااجة مساعدتكن ولو بدعوة …الله يخلي لكن عيالكن ..آمــــــــــــــــــــــــــــــــــييييين …
ماادري شو اقولج بس الله يعينج ويشفيلج وليدج …
وسيري للدكتور اساليه احسن لج عشان يطمن قليبج…
والسموحه…
الغاليه اول شي ريحي نفسج
عشان تعرفين تتصرفين في هاي الوضعية
ريلاااااااااكس
ولدي كان نفس الشي في الشهر 4 عاف صدري
لدرجة قمت اشفط من صدري واعطيه يشرب من المرضعة
يلييين نشف صدري وقمت اعطيه الحليب الصناعي
راجعي الدكتور ماافي مضرة اذا عطيتيه الحليب الصناعي
افضل نوع ابصراحه هوو كيكوووز امي عطتنا انا وكل اخواني واكبر اخواني عمرها 32 ماشاء الله
وعن تجربتي انان والي نساب عيالي هو حليب بروجرس واايد خفيف على معدتهم
كنت اعطيه نان نفخ بطنه وسواله غازاات
تقدرين تعطينه اشيا غير الحليب بس بكميات بسيطة وشوي شوي يلين يتعود جهازه الهضمي
تخيلي ريلي كان ياكل بنتي صالونة في عمر 6 شهور
كنت اموت وايلس اصارخ عليه وامه تاخذ منه البنية كانت تخاف مثلي
والله والدكتورة قالت لنا عادي جدا وطبيعي تعطونهم من اكلكم
ممممم اسمحيلي قرقرت وايد بس انا كنت مثلج وكنت احتاج حد يريحني ويطمني يسولف لي وايد
الله يحفظ عيالج و يسلمهم من كل شر
وحبذا لو تراجعين طبيبة اطفال وتشوفين سبب حالتهم
وتوقعي يكونون طبيعين جدا
المشاركة الأصلية كتبت بواسطة روح الماضي 
ماادري شو اقولج بس الله يعينج ويشفيلج وليدج …
وسيري للدكتور اساليه احسن لج عشان يطمن قليبج…
والسموحه…
مشكورة الغالية على الدعوة…
يزاج الله خير …
المشاركة الأصلية كتبت بواسطة أم مها11ري الغاليه اول شي ريحي نفسج
عشان تعرفين تتصرفين في هاي الوضعية
ريلاااااااااكس
ولدي كان نفس الشي في الشهر 4 عاف صدري
لدرجة قمت اشفط من صدري واعطيه يشرب من المرضعة
يلييين نشف صدري وقمت اعطيه الحليب الصناعي
راجعي الدكتور ماافي مضرة اذا عطيتيه الحليب الصناعي
افضل نوع ابصراحه هوو كيكوووز امي عطتنا انا وكل اخواني واكبر اخواني عمرها 32 ماشاء الله
وعن تجربتي انان والي نساب عيالي هو حليب بروجرس واايد خفيف على معدتهم
كنت اعطيه نان نفخ بطنه وسواله غازاات
تقدرين تعطينه اشيا غير الحليب بس بكميات بسيطة وشوي شوي يلين يتعود جهازه الهضمي
تخيلي ريلي كان ياكل بنتي صالونة في عمر 6 شهور
كنت اموت وايلس اصارخ عليه وامه تاخذ منه البنية كانت تخاف مثلي
والله والدكتورة قالت لنا عادي جدا وطبيعي تعطونهم من اكلكم
ممممم اسمحيلي قرقرت وايد بس انا كنت مثلج وكنت احتاج حد يريحني ويطمني يسولف لي وايد
الله يحفظ عيالج و يسلمهم من كل شر
وحبذا لو تراجعين طبيبة اطفال وتشوفين سبب حالتهم
وتوقعي يكونون طبيعين جدا
مشكورة الغالية على ردج…الله يعينا على تربية عيالنا …
