هلا والله اشحالكن خواتي عندي موضوع عام شوي محيرني مب يخصني بس يخص مجموعة كبيرة من صديقاتي ومعارفي ألا وهو موضوع راتب الزوجة
ياخواتي نحن عارفين إن كثير من الزوجات يشاركن برواتبهن في مساعدة الزوج بمصروف البيت والعيال مع إنها مب مجبورة نهائيا لابالعكس هذا من نفسها وطيب خاطر وماشاء الله ماشية الحياة عليها وعلى زوجها وعيالها عسل في عسل
عيل ! أين المشكلة ؟ المشكلة تكمن في أن بعض الزوجات يضعن راتبهن في يد الزوج يتصرف به كيف يشاء ويمنح منه لمن يشاء وهي( ياغافلين لكم الله)
كيف تكون المرأة كذلك وهي التي تكد وتكدح وتتعب من أجل أن تسعد بما عملت لا أن يأتي أيا من كان ويعبث بتعبها دون مداراة ولامبالاة ؟( وجهة نظري )
وأحيانا ياأخواتي تريد المرأة أن تشتري لنفسها طقما من الذهب أولأمها أوتشتري لها سيارة .gif "13 (47)")
على سبيل المثال فلا يعطيها هذا الزوج الذي ملكته كل ماتملك من روح ومال فلسا واحدا ويقول لها هذا تبذير واسراف على حد قوله أويقول لها لست بحاجة ماسة لمثل هذه الأمور والسفاسف فلاتضيعي مالك يازوجتي العزيزة (حريص يحليله يخاف ع فلوسها خخخ إلا يبغي يوفرهن لنفسه آآه منكم يابعض الرياييل).gif "12 (26)")
وياليت على جي وبس في النهاية بعض الرجال يجمعون من ورا رواتب حريمهم ويعرسون وتصيح الحرمة واحسرتاه (حد قالج دواج )هههههه.gif "12 (47)")
لا وبعد نسيت أقولكم إن في رياييل يقولون حبيبتي مديون فديتج حالتي تعبانة أبغي مساعدة غناتي سيارتي خربانة، وراتبه هو للتحويش واللعب برع .
الحين بسالكن بعد الشرح المطول والفلسفة الزايدة هههه
(فديت أبوي والله يقولي الفيلسوفة حبيبي والله )
هل انت من الزوجات اللي تسلم راتبها لزوجها كامل ؟إذا كنت جي ليش ؟
هل انت من الزوجات اللي تساهم وعلى كيفها حطت ماحطت في البيت كله واحد ؟
هل انت من الزوجات اللي مرتبة أمورج مع زوجج شي عليج وشي عليه؟
هل انت من الزوجات اللي إذا بغيتي تشترين شي ومن راتبج يمنعج زوجج؟
وآخر سؤال هل انت زوجة مسيطرة على راتب زوجج ؟السؤال الأخير تحفة هههههههههه افضل هالسؤال وايد خخخخ شريرة لأن لوالحرمة سيطرت ع الراتبين بتعرف تتصرف بس ومابتخاف إن الريال يجمع من وراها وبيعرس ! مطمنة الأخت ههههه ، ولكن إذا عطته كل شي راحت عليها خخخ
ولكن المايكروفون أبدعن في ردودكن بارك الله فيكم .gif "12 (48)")
في راي الموظفة ما تسلم راتبها كله لزوجها …وتتفاهم وياه على هالشي ..تصرف على البيت من راتبها هالشي زين ..بس ما تسلمه مثل ما قلت راتبها كله..
وللأسف وحده تزوج عليها ريلها …بفلوسها ..
بالنسبة لي أرفض هذي الفكرة … إن الحرمه تصرف على الزوج وعلى البيت …إلا إذا كان الزوج عاجز مثلاً ..أو راتبه أقل من راتبها ..
أنا متزوجة بس ما اشتغل
مع ذلك نقعد أنا وريلي كل بداية شهر
نحسب و اندون وين اروح كل فلس من معاشة
الحمدلله متفاهمين
والحرمـة الي تداوم مافيها شي لو مدت يد العون لريلها
أهم شي يكون يستاهل
تساعد زوجها ^^
مشكوورة عالموضوع حبيبتي