راضـية إني انحرم من الزوج والذرية عسب ترضين ، بس هالشي مايرضي رب العبـاد يـا الغاليه

سنين وأنـا سـاكته مابي ازعـل أمي لأنهـا تـاج راسـي وأبي رضـاها ..

بس هالمـره غير عن كـل مره
هالمـره اتقـدم لي شخـص من كم سنـة عن طريج أختيه الكبيره ،، وأنا صليت استخـاره وارتحت بس أمي رفضت من دون سبب ،، حجتهـا تبـاني آخذ واحـد مالأهـل (مع إني رافضـه هالفكـره) ..
احترمـتها ورضيت ابقرارهـا ..

بس الغريـب فالموضوع إن الريـال مصـر عليـه ويبـاني ..
وهالـشي حسسني أنـه شاريني ،،
رد خطبني الحين ،، تفاجأت بس ما أخفي عليكـن إني استـانست ..
وقلـت أكيد هو نصيبـي خلاص ..

أهلـي وافقـوا مبدأيآ ،، واتقدمـوا رسمـي وصـار تعارف امبيننـا ..
والحمدلله نـاس مـا عليهم اغبـار ،، أخلاق وذووق تبـارك الرحمـن ..
والريـال سمعتـه طيبه وصفحتـه بيضـه ..

وتحدد يوم للنظـره الشرعيـه ..
وشفتـه وشـافني ،، والحمدلله ارتحنـا لبعـض ..
والكل موافق ومرتـاح ..

بس المفـااجأه
ثـاني يوم الظهـر أمي يتنـي وقـالت أنهـا مب راضيـه
جـاستني غصـه طبعآ أسبـابها مب مقنعه أولهـا إنه مب مالأهـل ،، دووم اسكـت بس هالمـره ماقدرت رمسـت وطلعت اللي افخـاطريه ..
وقـلت عقب شو ،، عقب ما وافقتوا عليهم ويبتوا الريـال وخليتونا نشـاوف (ما اخفي عليكن قمت أميل له)
واحتشرت عليـه ،، أمي الطيبـه الهـاديه تحولت لأنسـانه ثـانيه ،،
والله جنه إلا حد غـاسل مخها ولاعب ابراسهـا (أنـا شـاكه في وحده) ،، هالإنسـانه ما تدانيني ودوم اتخرب عليـه ،، الله يسـامحها بس وهي هالوقـت كـانت اترمسهـا ،، وقبلهـا أمي كـانت سمـن على عسـل ..

تغصصت وضجـت حسيت أني لعبـه يحركونهـا ويمشونهـا مثـل ما يبون ..
تميت روحي وصحت اصيـاح اليهـد ،، لا آكل ولا اشرب ولا لي خلق الشـي ..
المشكـله يمدحون الريـال ويدرون أنه شارني وقايل بحطها فعيوني وبصونها ،، المفروض يفرحولي مب يهدمون فرحتي ..
وأخواني وياهـا لأنهم دووم وراها حتى لو غلطـت للأسـف ،، وهالشـي يضـايج الوالد دووم ..

الوالد راضـي فديتـه وهو كبير فالسـن اشـوي ..
وقالـي ما عليج أنا موافق وإن شاء الله بتاخذينه ،، بس أنا مابي آخذه وأمي هب راضيـه بس ليتها اتحس اشقد احبهـا واتمنـى رضاهـا ،، تعبت وانا احاول سنين اتقـرب منها وهي ما تعطيني مجال من دون سبب ..

مـادري ماعندي من افضفض لـه ..
اكتـب وأنا مخنوقـه ودمعتي على خدي ،،
مـالي غيركن خواتيـه ،، أبي دعواتكن حتى لو ما تكتبنهـا فالموضوع ،، لو في ظهر الغيب
إن الله يجمعنـي فيه ،، لأنه ونعم الريـال وشـاريني ..
وهم للحيـن ما اتصـلوا ،، يسألون عن رايي عقب الشوفـه ،، عطونـي وقـت وباجي كم يوم وبيتصلون..
ادعن إن ربي يحنن قلب الوالده عليه وتوافق برضـاها ..
وإن شـاء عقب دعواتكن ابشركـن بموافقتهـا برضـى وقنـاعه ..

دوم اقرى مشـاكل البنـات ..
وادعـي من كل خـاطري لهـن في ظهر الغيـب بصفـى نيـة ..
ويشهـد الله عليه إني استـانس يوم اشوفهـن طارحـات موضوع ثـاني يشكرن كل من دعت الهـن ويبشرنـا إن همهن انفرج وربي حقق مبتغاهن

والسمـوحه الغوالي طولت عليكن ..