راعي المكيف شل الكيمرا وفيها صور البنت ساعدوووني

السلام عليكم ورحمه الله وبركاته الغاليات..

أبغي أخبركم عن مشكلة اربيعتي لاني مب عارفه كيف اساعدها وقلت لازم احط هذي المشكله في منتدى سيدات الامارات عشان تساعدوني وتساعدونها..

بسم الله.. اربيعتي كانت امخليه كاميرتها في حجرتها ويا الهندي راعي المكيف على اساس يصلح المكيف ودخل ابروحه الحجره وهو كان ياي الصبح وللأسف محد كان يالس فالحجره يراقبه..وعقب ماروح الهندي دورت دورت اربيعتي الكيمرا ماحصلتها وتقول انه متأكده 100% انه هو اللي شلها لانه سبحان الله يوم يت البشكاره اتقول حق اربيعتي ادش داخل لانه الهندي بيطوف يت في بالها على طول الكيمرا بس سبحان الله ماسارت تاخذها تقول مادري شو اللي خلاني ماسير قالت الدنيا امان ومحد بيشلها بس للأسف انشلت الكيمرا وصورها كلها فيها وهي واااايد خايفه انه الصور يستوي شي فيهن وطول الوقت الصيح خايفه وقطعت قلبي واربيعتي متحجبه بس فالكيمرا طالع شعرها وخايفه يراوي الصور ربعه ولا شي جي وبعد كل ها اربيعتي خبرت ابوها وابوها سار مركز الشرطه عشان يبلغ والشرطه اطلبوا الهندي وقال انا ماشليته .. وطبعا لانه مافي دليل الشرطه ماراموا يسون له شي.. الغالياااااااات دخيلكم تفكرون ابحل واقعي يتنفذ.. وساعدوني .. حسبي الله عاللي ماعنده ضمير ولا خوف من الله وخذ الكيمرا..

ليش الهندي؟؟ليش مب البشكاره ؟؟؟يعني الهندي شل الكاميرا والبشكاره ما جافته !!!!! تأكدي حبيبتي

أنصحيها لازم يوم يدخل حد غريب البيت لازم يكون حد واقف وياه

وإن شاء الله ما يكون صارقنها وتكون طايحه في البيت

مشكوراااات وتسلمن على الردود انا قلت حق اربيعتي ها الشي وقالت البشاكير من سنين وياهم وهو الغريب اللي داخل وماجد شي انصرق الا هالمره.. شو تسوي احين ؟

ما في شي بتقدر تسويه حبوبة .. إلا إنها تدعي ربها و بس ..

لاتحطمونها اب هالردود هي تدعي وتدعي بس لازم يكون في فكرة نيب منه الكيمرا .. فكروا دخيلكم اتساعدونها حرااام الصور ضاعت..