رايحه زيارة البحرين . وين يا بنات البحرين فزعتكم في الأسواق

السلام عليكم
خواتي البحرينيات لا خليت منكم
انا يايه البحرين ان شاء الله يوم الجمعه وبقعد عندكم تقريبا خمس ايام

ابغي اعرف احلى الاسواق

عندي اسامي المراكز بس ابغي اعرف وين اسير عشان العبي الراقيه اللي تنفع للأعياد مثلا
واماكن لعبي الاستخدام الروتيني الخفيفه

وامممممم ابغي بعد ملابسكم الشعبيه حق الأطفال وين الاقيها

ابغي اسامي محلات لملابس الأطفال للعيد

وبس

يزاكم الله خير

ان شاء الله بنات البحرين ام بيقصرن وياج حياتي ^_^ الله ايوفقكم ^_^

……..
بالتوفيق غناتي … والله يرزقج من حلاله إن شاء الله .. ويرزقج من أوسع أبوابه ^_^

مشكورات خواتي على الرد

سوري ام خالد توقعتج بحرينيه والرسلت لج كمن سؤال

وينكم يا بحرينيات

هلا والله فيج حبيبتي في البحرين وان شاء الله توصلون بالسلامه
وان شاء الله اكدر افيدج بالآتي:
مراكز التسوق:
1- مجمع السيف – بضاحية السيف
2- مجمع العالي – بضاحية السيف
3- مجمع البحرين – بمنطقه سنابس بس جريب من مجمع السيف بينهم شارع
4- مجمع الدانه – بمنطقه السنابس وجريب من مجمع البحرين
5- مارينا مول – قريب من السوق المركزي بالمنامه
6- مجمع اللؤلؤ – قريب من السوق المركزي وخلف المارينا مول
7- مجمع ستره – في منطقه ستره
8- ذي سنتر – في منطقة سند
9- مجمع الرفاع – في منطقة الرفاع
10- كاونتري مول – على الشارع المؤدي الى منطقة البديع

الأسواق:
1- سوق المحرق – سوق شعبي وتحصلين محلات عبي كثيره وانا راح اذكر لج ان شاء الله في تقريري كذا اسم عن تجربه حتى يفيدونج.
2- سوق المنامه – ايضا من اقدم الاسواق في البحرين
3- سوق الرفاع – سوق مو كبير بس ممكن تاخذين فكره
4- سوق بوكوارة – يقع في الرفاع في منطقة بوكوارة وهو من الشوارع الحيويه في هالمنطقه وتوجد على طول امتداده محلات تجارية حلوه.
5- سوق واقف – يقع في بدايه مدينة حمد وهو سوق كبير وان شاء الله يعجبج

الأماكن الترفيهية:
1- منتزة عين عذاري
2- جنة ***** المفقودة – حديقة مائية بالقرب من حلبة البحرين الدوليه للفومولا 1
3- محمية العرين – قريبة من جنة ***** وهي عبارة عن محميه للحيوانات البريه بس مكان حلو
4- جزر حوار – تحجزون عن طريق مكتب الحجوزات بالنادي البحري للمركب والشاليه او الفندق على حسب الاختيار وتكون الرحله لمده ليلة كامله او اكثر على حسب الاختيار.

أسماء محلات العبي :
1- مذهلة للعبايات – بسوق المحرق قرب الكازينو
2- سيدتي للعبايات – سوق المحرق قرب الكازينو
3- شيلاتي – بالمحرق بس خلف السوق سألي عنه وراح يدلونج مكانه
4- شهايل – بالمحرق على نفس الشارع اللي يوديج حق شيلاتي الاثنين على شارع واحد
5- عبايات شجون – بمجمع الدانه
6- عبايات زمرده – بمجمع السيف محل جديد وراقي جدا جدا

اما عن المحلات العاديه فأنتي راح تلاقينها على امتداد شارع سوق المحرق تقريبا اكثر من 40 محل يعني ما راح تتعطلين والمنامه والرفاع وحتى سوق واقف.

إان شاء الله تستانسون برحلتكم

ربي يرزقني ويرزق كل محرومه …….

ما شاء الله كل الحلى ما قصرت ,,, تروحين وتردين بالسلامه ,,,

للرفع