السلام عليكم
والله ما اعرف كيف ابدا في الموضوع
السالفه ومافيها ربيعتي الروح بالروح فجأه استوت متكبره
هي يمكن على انها تمزح بس استوت تضايج البنات
ومب بس تضايج البنات استوت حتى تضايجني
مثلا يوم تيلس ويانا جي تبدا ترمس على الماركات
عقب تطالع ساعتها وتقوووول ترومون تااخذون شرات هساعه تعرفوون كم سعره معلنها هسااعه
اي احد يرووم ايبها يعني سعرها مب خيالي عادي
هي جي على انها تمزح وانا اعرف انها اونها تمزح
بس البنااات الي ما يعرفونها وااايد يضايجووون
ولا احياااناا يووم بنت تقووول مفصله هل العباااه ب السعر
عقب يوم تسير البنت تقوول للبنات هي حلوه العبايه بس تحسينها رخيصه
ولا مثلا تشوووف بنت كاشخه تقوووول للبناات والله هي كشخه بشكل عاام ولاكن
لو شفتو كل قطعه من قطعهااا بتلاقووونه رخيييص
ولو مثلااا بنت قالت شي غالي ما تسكت تقووول بالعكس والله رخييص تخلي البنت
تستحي وتقلولين تعرفيين هذا تعرفين بكم شاريته ب وتقول السعر
وفيها شي ثاني بعد انا من طبعي اجتماعيه يوم تشوفني ويا بنت تسوي حركاات
لييين ما البنت تسير من عندنااا وتحاول تضايجها بأي طريجه عقب تقوول ما احبها
ما ادانيها معلنها هي يوم تتعرف على احد عااادي انا اكووون
احيانا تقووووول اهلي يقولون عني متكبره والله احس اني كرهتهم انا صج متكبره
اقولها لا
المشكله الحييين ما اعرف كييييف اصارحها وخصوصا ان كل اهلها يقولون لهااا متكبره
وانا ربيعتها من زماااان وكل اسراري واسرارها عندي والله احبهااا بس مهما كااان احسها تحرج البنات والبنااات ستوو يهربون منا والله والله هي تتحرا انها تمزح لاااكن طرييقتهااا وااايد تنرفز البنات
انا ما اقدر جي اسولف وياها بس انا من النوع الي احب اتعرف واحب اسولف بس من يوم اعرفهم عليها يشردووون البنات وخصوووصا في بنااات تكوون حالتهم الاجتماعيه وايد صعبه والله تحرجهم
ومره قالت لبنت شنطتج ماتليق عليج لو تغيرينها لان البنت هاي شنطتها من هذيج السنه لان حالتهم شوي صعبه وبدون وماحد يشتغل منهم قتلها ليش جي تحرجيين البنت قاالت مب لهدرجه عااد
مايرومون ياخذون لها شي حتى شنطه ما تقدر تاخذ يديده والله اني عصبت هذيج المره منها واايد
وتقول للبنات انا احلى وحده فيكم اناا اكشح وحده فيكم والله ما بتوصلون لكشختي وتقوولهم شوفو
منو احلى وحده فيكم انا صح معلنهااا مقبوله الجمال
بليييز ابا اقولها اوصلها المعلوومه والحين بدون زعل وحتى لو كانت طريقه مزااح انا هربيعه
ما ابا اخسرها هاي ربيعت الطفوووله واعرف انها طيبه بس ما اعرف ليش تعامل البنات جي
والحين بندش في الجامعه يعني مافي لبس موحد فبتزييد الاحراجااات بليييز ساعدووني
قوليلها الوحده مب اب عباتها ولا ابساعتها …. الوحده ابخلاقهااااا وطيبتهااا ومعانيهااااا …..
واحين مافي حد عيزان لا عن عباه ولا عن شي ….. مايسون جي الا اللي فيهم نقص ..
وقوليلها البنات جي يقولوا عنج
بس لا تحددي ولا بنت ..
عساس ما تسير اضاربهن
.. أهم شي اتوصليلها معلومه انه البنات ينحرجن وانتي ما ترضيها لنفسج كيف ترضيها لغيرج ,,
كل وحدة وظرفها ما تعرفي شو ظرفها وحالتها المادية ..
وطبعا قبل ما تبدأي بأي شي لازم تبدأي بمقدمات حلوة مثل حبيبتي يا اعز صديقةحبيت أنبهج لشغله بس لا تزعلي مني
…إلخ بأسلوبج الحلو —->> عشان تقتنع …
أهم شي الصراحة بين الأصدقاء ،، صدقيني الصراحة راحة ,,
والله يهديها ,,
تعرفين ربيعتج ضحكتنى وانت بعد يعنى الحين اهلها يقولون لها انت مغروره ومتكبره وانت تقولينها لا عيل شو تمسين صداقتج وياها اذا انت تقولين لها لا يا اختى يوم بتححرج البنات قوليلها الحين عرفت اهلج ليش يقولون عنج متكبره والحين انت اثبتى كلامهم وانتهي بجى تكونين نبهتيها وهى طبعا بتسال عن سبب كلامج ساعتها صارحيها وانه انت تضايقين البنات والى تبين تقولينه .
تعرفين انه ربيعتج يوم بتروح الجامعه بتشوف التكبر على اصوله يعنى البنات انواع واشكال واتخيلى عاد التفاخر في اول السنوات الجامعيه فشخره فى فشخر واعرفى وبتقولين كلى دلال قالت ترا بنات الجامعه مو هينات مول وابدا ومن كل الانواع والجنسيات والله عادى الوحده لو سمعت كلمه من الى تقوله للبنات في المدرسه لتقفطها وطلعها غلطانه ولا ازيج بعد ترا في بعض البنات ينتقمون صح يسكتون في اللحضه الى تعلق عليهم فيها بس بنفس الوقت يتطلعون لاى فرصه علشان ينتقمون منها صدقينى انا اعرف بنات الجامعه زين مول اغلبهن مول ما يسكتن عن حقهن ابدا فصارحى ربيعتج بالصفه الموجوده فيها لانه لو دخلت ربيعت الجامعه بهذه الصفات صدقينى ما بتم اكثر عن سنه لانه بعض بنات الجامعه اسلوبهن ما يرحم واكيد من خلال اسلوبها ما بتتعرف الا على هذا النوع من الشلل يعنى والسموحه الطيور على اشكالها تقع .
لاتنسي يمكن هذيل البنات الى قفطتهن يمكن يدعن عليها لانها جرحتهن وايد فقوليلها ما تستمر علشان دعوة المظلوم مستجابه .
والسموحه
تصرافاتها تصرفات يهال…
الله يهديها…