ربيعتي ومشاكلها بالعيد ؟!!!!

نرجع لمشاكل ربيعتنا بأيام العيد

المشكلة الاولى طبعا ما لها حل
وهي مشكلة الحمام

https://forum.uaewomen.net/showthread.php?t=785107

احين تبا ارائكم في موضوعين :

بس قبلها ابي اوضح لكم , ترا اهل ريلها بمنطقة جدا نائية لا مطاعم ولا مولات ولا فنادق !!
وبعيدة وايد هالمنطقة عن المدينة !!

الاول : هي هناك وايد تحس بالملل , لانه غرفتها الله يسلمكم مافيها تلفزيون
وهناك التجمعات قليلة
يعني اكثر شي يجتمعوا الحريم اخواته وحريم اخوانه على الغداء والعشاء
وباقي الوقت الكل منخش بغرفته

وهم شوي انطوائين , وبعض الحريم يسيروا بيت اهاليهم بنفس المنطقة

بس هي من المدينة واهلها وايد بعيدين عنها , ما تروح لهم وقت العيد

وريلها اكثر وقته يجتمع مع اخوانه بالعيد

فاحين المشكلة هي اغلب الوقت محبوسة بالغرفة

فكيف تقضي هالثلاث ايام هناك ؟؟!! هي جدا ملولة ومتعودة ع الربشة ( الطلعات+ التلفزيون + النت )

فشو تسوي خلال هالثلاث ايام عشان ما تمل وتطفر وتنكد ع ريلها ؟؟

هي بتاخذ معاها اللاب توب وتستخدم النت ؟ بس بعد بتمل 3 ايام متواصلة والوقت طويل

فشو افكاركم واقتراحاتكم عليها ؟؟

الشي الثاني : هي وايد اكولة وبسرعة تيوع ومتعودة دوم تدش المطبخ وتسوي اكلات ومقبلات
بس هناك الاكل بس 3 اوقات محددة الريوق( احيانا ) والغداء والعشاء

وباقي الوقت ماشي

وطبعا الحريم وايدات , احيانا تحس ما يكفيها الاكل
وشي ثاني تستحي تدش المطبخ عندهم

عشان جي هي تبي اكلات او وجبات سريعة ما يبالها طبخ , تحطهم بالغرفة

انا اقترحت عليها : سلايس , جبن , مايونيز , مرتديللا , كيك , شيبس , كرسون

وبعد شو تقترحون ؟؟ او تعرفون اكلات ما يبالها مطبخ ؟؟

والسموحة اخواتي ,,

هي لازم تسير العيد عند ريلها , عسب ترضيه وما يزعل منها

بس كيف تتأقلم مع المشاكل البسيطة ؟؟!!