يحبها لدرجة الجنون ولكنها مستمرة على ملذاتها … وخياناتها لزوجها
تخون وتخون وهو يصيدها باحساس قلبه وفكرها المشغول …
حاول اصلاحها هدايتها تحمل معها وقال لها ::
لست كبقية الرجال لن اهينك ولن اضربك لكني سأحاول ان اساعدك
هذه غريزة شيطانيه وساساعدك باذن لله .. واعرف انك تندمين ومن ثم تعاودين الخيانة
فهذا بحد عينه مرض ,, ذهب بها الى .. دكتور نفسي معروف لدى الجميع
وقبل هذا ساله الدكتور قبل العلاج امامها : اتحترمها وتحسن معاشرتها ومعاملتها اانت حنون معها اتشبعها عاطفيا اترويها كلاميا …. فأجابت قبل ان يجيب .. نعم ولا قصور له بذلك ..وهي تبكي …
متعجب الدكتور لوجود حالة نادرة لرجل يعالج زوجته من نزواتها … رجل وها هم الرجال
يعالج زوجته امام مجتمع لايتقبل مثل هذه المرأءة فهي تعتبر زانية ,,, قذرة ,,
لاتمت صلة للمسلمات العفيفات ,, والضرب اقل عقاب لها ,,, فلماذا الاستمرار
والبقاء مع امرأةً خاينة ,,,,,,,,,,,,,,
للحديث بقية ……….
اما الريال مب غريب يكون في نماذج بهالمستوى لان الناس مب مثل بعض
المشاركة الأصلية كتبت بواسطة ماسه حساسه 
اما الريال مب غريب يكون في نماذج بهالمستوى لان الناس مب مثل بعض
ليش حكمتي عليها انها ما تتصلح؟
بالعكس في امل انها تتصلح ليش لا
ليش المجتمع يسامح الريال اللي يخون ويحكم على المرأه اللي تخون بالاعدام على طول
بالنسبه للريال بالموضوع بصراحه مادري اذا فيه منه بالمجتمع العربي بس شي نادر جدا انك تلقى شخص مثله هذا اذا كان في اصلا
بس اقول ان الانسان خطاء ومافي حد نازل ملاك من السما
بس خير الخطائين التوابون
حتى لو تتذكرون احد الصحابه نسيت اسمه اللي ارتكب معصية الزنا وندم عليها اشد الندم حتى توفى بس سبحان الله قبل الله توبته وادخله الجنه
ومع اني حرمة والمفروض اني أوقف في صف الحريم بس الصراحة انا ما احترم هالنوعية من الرياييل وأحس انه ينقص من رجولته في عيني ،،،
المشاركة الأصلية كتبت بواسطة khaleejiya بالعكس في امل انها تتصلح ليش لا
ليش المجتمع يسامح الريال اللي يخون ويحكم على المرأه اللي تخون بالاعدام على طول
بالنسبه للريال بالموضوع بصراحه مادري اذا فيه منه بالمجتمع العربي بس شي نادر جدا انك تلقى شخص مثله هذا اذا كان في اصلا
انتي قريتي الي كتبته ولا كملتي من عندج؟
انا قلت ان هذي ما تتصلح لانها تكرر نفس الشي وتصيح
بالنسبة للريال اكيد فيه مثله بس نادر تلقين حد عنده هالعقلية والتقبل للاخطاء