رحت عند الدكتورة وقالتلي انه الجنين في ماء براسه ادخلو والله بموت

السلام عليكم خواتي

كنت اليوم عند الدكتورة شيبو اللي في عيمان براجع عندها وأنا الحين بالشهر السابع 30 أسبوع فحصتني سونار وقالتلي انه في ماء براس الجنين وانه مب وايد أظن 7 مل وانه اذا زاد مب زين ولازم يروح خلال الشهرين اليايين وانه راس الجنين نازل لتحت بس قالتلي عادي مايأثر .. و من لما قالتلي عن المويه وأنا نفسيتي تعبانه ووايد متضايقة ومهمومه … هذا أول حمل الي ووايد خايفة على الجنين …
أبغى أروح عند دكتور ثاني وارجع أعيد الفحص بس ما أعرف وين أسير . أرجوكم خواتي أصحاب الخبرات طمنوني وقولولي شو هالماء وهل له علاج وفي خطورة على الجنين؟؟؟؟ ساعدوني الله يخليكم قلبي بيتقطع والله العالم بحالي ..

ماعرف اختي والله بس دام طمنتج ليش الخوف مب زين انتبهي ع نفسيتج جي بعد تاثرين ع البيبي

وتوكلي ع الله عزيزتي وان شااءلله يارب يارب يارب تربين بالسلامه ويكون البيبي مشافى معافى يارب يارب يارب

الله يحفظج

اختي الدكاترة كلامهم يخوف انا مرة فجعتني الدكتورة وقالت راس الطفل مو طبيعي كبير لما سوت لي سنار وكنت قلقانة ان الطفل تكون عنده مشكلة عقلية الحمد لله طلع العكس صحيح هوا ما شا الله اذكى واحد في اخوانة
انتي لا تتوتري وتخافي والدكتورة طمنتك ان الما في الرأس يسير في بعض الاجنه ويختفي وان شا الله تولديه سليم معافا

ان شاء الله خير الغاليه لا تحاتين واذا انتي صدق خاايفه سيري مكان ثاني وان شاء الله يطمنونج ع البيبي..

هلا ختيه
لا تحاتين شرات سالفه وحده من الاهل..اول ما راحت قالولها في ماي في راس الجنين بس قالولها لا تخافين..
وكانت كل موعد تروحله يسوون تصوير عشان يجوفون الماي وكل مره الماي يقل لين ما اختفى بالكامل واحينه الولد الحمد لله بخير وصحته نفس الفل بارك الله ربي يحفظه..

بس انتي لا تشيلين هم وتوكلي على الله ^^

للرفع

لا تحااتين اختي .. نفسيتج فووق كل شي .. وان شاءالله البيبي ما فييه شي ودايما هالكلاام يتكرر عند الدكاتره والسبب السوناار!! .. الحمدلله نحن في بلاد لا فيها اشاعات ولا تلووث بيئي قوي عشان اتضر بالبيبي وهو في بطن امه .. رب العالمين حافظنه .. ما عليج منها وما فيه الا العافيه ..