اشحالكم بنات, عساكم ابخير ؟
اليوم عاد اتفيجت و بنزل صور رحلتي الى سكوتلند
ببدا اول شي بـــــ ( Glasgow) سرتلها بالقطار
الفندق : هوليدي ان اكسبرس ( تعيس و ريوقه جنج اف مصحه عقلية + ماشي دفايات و درجة الحرارة -3 و يوم طلبت لحاف زيادة يابولي دفاية 5 دقايق و دخنت .gif "12 (1)")
)
و اتركم مع الصور
فالقطار
المناظر الطبيعية الي فالدرب
اينوش سنتر
هذا اجرب سنتر كان بالنسبة للفندق
الاجواء فالنهار
هالمركز عجيييييييييييييييب اسمه جون لويس
مادري منو هالانسان امسويله تمثال و كان يوم ذكراه
يتبع لحد ايرد
احلا شي عندهم انه السما اتغدي بنفسجية و يلبقون ليتات بنفسجية و وردية و المنظر خباااااااااااال
بعض الصور
يتبع لحد ايرد
الصراحه ماتوقعت اني بحب هالمنطقة و اف هاليوم كان ينزل مطر عاد مب مطر حتى مطرهم رومانسي
رذاذ و خفيف بس اتقرقعت من البرد اف هاليوم و مرضت بعد … المهم اعرف وايد رمست سامحوني
سرنا ادنبره بالباص تقربا اب 10 باوند
اول ما وصلنا جفت هالمنظر و عشقت المنطقة ( أحب الاشيا التاريخية و المتاحف خصه البريطانية )
مشينا شوي و على طول خذنا التور بس حوطنا عالمنطقه و عقب نزلنا جريب القصر
هالمناظر و نحنا انحوط فالباص
يتبع
و بعد هالتور خشمي اعلن مرضه من الهوا البارد لنه الباص مكشوف بس كانت تجربه حلوه
يتبع
و صلنا عند باب القصر
و يرفرف علم سكوتلند
مناظر من فوق القصر
طبعا ماترومين اتصور اف حجر او قاعات القصر لنه ممنوع … اموقفيلج كل سكيورتي اكبر من الثاني
لدرجة لنهم مادخلوني الغرفة الي فيها تاج الملكة لني كنت ارمس فالفون .. اونه خلصي و حطيه فالجنطة و عقب دخلي .. حسسني يعني
مارمت اصوري شي .. و عيبني تاج الملكة و عقدها روعه … ستايل انجليزي بحت
و هاي الصور و نحنا رادين محطة الباص كنا نتمشا فالحديقة و جان ينزل السنو
و بس هاي كانت رحلتي الممتعة للمملكة البريطانية وان شالله لي عوده لها ( لندن )
و السموحه منكم
أم خرباش
انا سرت جلاسكو في الصيف بس ما حبيتها وايد .. وندمت اني ما سرت ادنبره احسها احلى عن جلاسكو
تسلمين الغالية على الموضوع الحلو وننتظر تقرير لندن …