رحلتي الى فرنسا و بالتحديد الى ديزني لاند بالتفصيل الممل صور صور صور

السلاااااااااااااام عليكن .. اشحالكن كلن بحاله .. ربكن الا بخير ..

و اخيرا و بعد عناااااااااااااء طوييييييييييل بنزل لكم تقرير مفصل و ممل عن رحلتي الى فرنسا و بالتحديد الى ديزني لاند .. << خخخخخخخ

وعلى فكره ترى تصويري لا تعليق عليه .. و نص الصور بالتلفون و نصها بالكيمرا ..

طبعا انا رحت فالويك اند .. يعني من الجمعه لين الاحد .. 9-10-11/2/2017

يللا جاهزين ..
شلوا سامانكم و اهم شي هذي الاربع اشيااااء فاهمين .. << فديتني بظارب لووول
طبعا التلفون للمكالمات و التصوير و الكاميرا بعد للتصوير << يعني بتكون حق شو غير التصوير خخخخ
و علم الامارات الصغير الحلو طبعا عسب كل حد يعرف انج من الامارات << فديتني خقاقه
و ال I-Pod لزووم التسليه .. يعني خطر على بالج تسمعين شي ما شيات << مب جني وايد اتفلسف

يوم الجمعه .. طلعنا من Reading لين waterloo ( في بريطانيا ) طبعا بالقطار .. هالقطار كرييييه يمر على 10 او 11 محطه و اخر محطه هي waterloo …

ها الستيشن مال Reading

و هذيل كم صوره صورتهم و نحن فالقطار ..

و من waterloo سرنا و خذنا التذاكر ( طبعا كنا حاجزين قبل عن طريق النت ) المهم و اتعرفون حركات المطارات .. نفس الشي هني تفتيش و حاله ..

يللا من هني ديزني لاند ..

لووووووول ترى هالصوره بالزور صورتها عيزت وانا اسوي زوم ف تلفوني ..

و ركبنا القطااااااااااار ..
و هذي بعض الصور اللي صورتها و انا فالقطار ..

و بما ان نحن ظاهرين الصبح .. يعني لازم يريقونا..
هذا ريوقهم ..

و بعد ساعتين و 45 دقيقه وصلنا محطة ديزني لاند ..

هالصوره من داخل المحطه ..

يتبعـ …

المهم بعدين رحنا الفندق ..

داخل الفندق ..

و طبعا لازم انسوي check in

خلصنا و رحنا الحجره .. طبعا بنحط سامانا و على طول بنظهر ..

و ها صورتهم من الدريشه .. الصراحه مكان يفتح النفس و طبعا الجو كان يجــــــــــنن ..

المهم .. طبعا نحن كنا ناوين على طول انروح ديزني لاند .. بس الوقت ما كان يسمح لأن كان باقي 3 ساعات و بتسكر و طبعا مستحيل يسدنا هالوقت ..
ف قررنا انروح العاصمه باريس ..
اول شي رحنا هالمكان <<مادري شو اسمه خخخخخخ

و بعدين رحنا شارع الشانزليزيه << اف اسمه صعب تعبت و انا اتهجاه وحتى مادري اذا صح ولا غلط لووول
بس للأسف ما صورت .. لأن مافيه شي جذبني .. شارع و فيه محلات .. وبعدين هذيج الحزه كنا بس انفكر فالاكل خخخخخ مب متفيجين حق التصوير ..

المهم رحنا مطعم ايطالي .. كلنا و خلصنا و كملنا على باقي المحلات و بعدين رحنا برج ايفل و شكله يخببببببببببببل .. واااااااااااايد عيبني

يتبعـ …

و يوم السبت من الساعه 9:30 نشينا .. رحنا اتريقنا و خذنا تذاكر الحديقه من الفندق ..

و الحين بحط لكم صور ديزني لاند ..
هذي بوابة الدخول ..

طبعا ديزني لاند تنقسم الى قسمين ..قسم الحديقه و قسم الاستديو

اول شي رحنا الحديقه ..

الحين بنروح للقلعه هذي العجيبه ..<< وايد يعيبني شكلها

وهني من زاويه ثانيه

شو رايكم ندخل داخل القلعه و انجوف شو فيها
اونه الاميره النائمه

و هني و هي ناشه خخخخخخخخ

اكتشفت ان مافيها شي الا رسومات لووول

و بعدين رحت صوب البلكونه و صورت هالصورتين =)

و الحديقه امقسمه لـ اربع اقسام
Frontierland
Discoveryland
Adventureland
Fantasyland

اول مكان دخلناه ال Frontierland و بعدين ال Adventureland
( السموحه بنات .. ترى اتلخبطن عندي الصور .. فبحط صور عشوائيه لهالمكانين لأنهم نفس التصميم تقريبا)

يتبعـ ….

و بعدين رحنا ال Discoveryland
بس ما عيبتنا ولا عيبنا شكلها .. و ظهرنا على طوووو ل منها …
و صورت صوره وحده بس …

و اخر شي رحنا ال Fantasyland

و ركبنا ف نفس قارب .. و دخلنا داخل و امسوين مجسمات و اشياء اتجنــــــن .. واااااااايد وااااااااايد حلوه .. بس للأسف ما صورت الا كم صوره و مب واضحات بعد  .. و الباقي صورته فيديو لأنه اوضح ..
و هذي الصور اللي صورتهم …
هني قبل ما ندخل ..

و هني داخل ..

صور عشوائيه للحديقه ….

يتبعـ …

و بعدين رحنا الفندق انصلي .. و ردينا و رحنا ال Studios ..
و هناك شي 9 Studios .. و كل ستيديو عن شي .. المهم نحن دخلنا بس 3 Studios
لأن الساعه 6 راغونا << خخخخخخخخخخ
صورت كم صوره بس.. لأن الاكشنات اتكون داخل الاستيديو .. ولا من برع شكله عادي ..

هني الدخول ..

صور بعض ال Studios

الحين توها 6 .. و مستحيل انرد الفندق ,, ف قلنا بنرد الحديقه لأنها تفتح لين 9 ..
و هني صورت هالصور المغرب .. اونه عاد شغلوا الليتات <<

المهم تمينا انحاوط بدون هدف .. بس بعدين جفنا تجمعات مستويه .. انا اقول ف خاطريه شو السالفه .. بعدين قلت حق بو الشباب الا اسير و اعرف اشحقه متيمعين .. و رحنااا و كااااااااااااااااانت المفاجأه

ميكي ماوس بكبره هني << خخخخخخخخخخخ و طبعا كل حد ناقز عليه و بالزور صورته

صور باقي شخصيات ديزني .. بس والله يقهروون هاليهال << كل واحد قابضنله دفتر و قلم و اونه يبون توقيعاتهم …

يتبعـ …

يعطيييييييييييييييج العااافيه والله مناااضر رووعه

اباااااااااااا اسااااااااااااااااااااافر

و اخر يوم .. اكتشفا ان عندهم مكان اسمه La Vallee village و ها مكان تسوق و طبعا على طول قررنا انروح له .. سألنا مني مناك و قالوا لنا انها ثاني محطه من عقب محطة ديزني لاند ..
خذنا تذاكر و ركبنا القطار و نزلنا في اول محطه .. هذي هي
و سألنا موظف الاستعلامات .. واشر لنا على مكان و قال روحوا .. رحنا بس ما حصلنا الفيليج .. بس جفنا وايد ناس تمشي جان نمشي وياهم و نمشي و نمشي و نمشي و اخر شي وصلنا

و هذي هي الفليلج .. (( وشي نفسها ف بريطانيا و اسمها Bicester-village ))

و اخر شي .. رجعنا لـ ديزني لاند .. و مرينا على Disney Village و خذت لي حلاوه و ميكي ماوس << خخخخخخ فديتني …

و هاي صورتها اليوم اللي قبله بس فليل ..

و السموووحه عالقصووووووووور .. ادري اني طولت عليكم وااايد .. بس اوني عاد ابا اعيشكم الجو ..

و مابى منكم شي غير انكم تدعون لي .. ان الله يوفقني ف حياتي و يسعدني ويا ريلي …

ها شو رايكم ؟؟!!