[ . . رحلتي لـ تركيــــا في إجازة عيد الفطـــر . . ]

السلام عليكم حريم و بنات . .

شخباركم جميعاُ ؟ !

إن شاء الله كلكم بأحسن حال . .

بدخل في الموضوع على طول ^.^

الله يسلمكم قررنا أنا و ريلي العزيز نروح تركيا في إجازة العيد، بس للعلم ما كنا متأكدين من يوم العيد، هل بيكون تاريخ 30/9/2017 أو 1/10/2017 ، بس الحمد لله طلع العيد في نفس يوم سفرنا و عيدنا الصبح في الإمارات و الظهر رحنا المطار ، و حجز التذاكر و الفندق تم عن طريق النت . .

المهم إنا رحنا و رجعنا بالسلامة، صح إن السفرة كانت قصيرة بس الصراحة واااااايد استانسنا و غيرنا جو و جددنا نشاطنا و .. إلخ

بس ترددت وايد قبل ما أنزل الموضوع، لأن أهل الخبرة عن تركيا ما قصروا في المواضيع إلي نزلوها قبل، يعني موضوعي بيكون صفر على الشمال بس شي أحسن عن لا شي . .

و تسلم الأخت missuae3003 لأنها ما قصرت معاي و سوت لي جدول حلو و مشيت عليه بس غيرت فيه اشوي . .

مشكورة الغالية و ما قصرتي . .

– – – – – – – – – – – – – – – – – – – – – – – – – – – – – – – –

المغادرة: الثلاثاء – 30/9/2017 – مطار دبي الدولي – الخطوط الجوية الإماراتية

العودة: الجمعة – 3/10/2017

الوجهـة : اسطنبول

الفندق: مرمرة " في منطقة تقسيم بجانب شارع الاستقلال "

نبدأ بالصــور

مشترياتي من Duty Free

صورة من سماء الإمارات

مزة قبل الغدا =)

كان في خـاطري أكل جزء من السحاب

تركيــــا

مدرج مطـــار تركيا

خذنا سيارة من شركة سياحية موجودة في المطار عشان اتوصلنا الفندق

صـــــور للغرفة – 1717

دخلت المنتدى لووول

المناظر الي اتطل عليها الغرفة

" لاحظتوا الدائرة البيضة ؟! ، بعدين بقولكم عن هالمكان "

أول يوم من وصولنا تمشينا في شارع الاستقلال و تعشينا في مطعم ما أذكر اسمه بس كان أكله فضيــع، و الجو كان بـــاااااااااارد بس حبيته وايد

و بعد ما رجعنا، خططنا لرحلة ثاني يوم

الصبح تريقنا في الـ Lounge المخصص لغرف الـ Club rooms و ما فوق

رحلة اليوم تاريخية ، و عن طريق المترو أو القطار ، رحنا " منطقة السلطان أحمد " و زرنا 3 أماكن:

" صور "

صورت هالحرمة لأنها ذكرتني بمسلسل سنوات الضياع لوووول

إلي داخل القبة بالذهبي هو من الذهب . .

1 – المسجد الأزرق أو مسجد السلطان أحمد

المسيد وايد كبير و صورت الهدية التذكارية " مجسم للمسجد النبوي الشريف – مطلي بالذهب" من خادم الحرمين الشريفين لـ حاكم تركيا

و نحن طالعين اشترينا آيس كريم يمييييي لذيذ

2- صور من آيا صوفيا

و هذي فيلا إشترتها ملكة إسبانيا صورتها و نحن سايرين قصر توبكابي

شخابيــط

3- قصر توبكابي، بصراحة حبيت هالمتحف واااااااايد لأنه فيه تحف و أغراض و أدوات ترجع لقرون من الزمن من أيام الأنبياء و الرسل عليهم السلام، و الصحابة و العثمانيين و الصفويين و المماليك و . . إلخ . .

و الحلو في المكان إنه بدل ما تاخذ لك مرشد يلف بك القصر الي ما شاء الله شو كبره، تاخذ الجهاز الي صورته بالأسفل، و هو مجرد ما تدخل الغرفة يشتغل و يعطيك نبذة عن الي اتشوفه، أو ممكن تضغط على الرقم الموجود حذال الشي، و طبعا متوفر الجهاز بكذا لغة " عربي – انجليزي – ايطالي – .. الخ " . .

كم صورة من المتحف + القصر

الجهــــاز

و قلنا بنريح اشوي في الكوفي شوب أو المطعم الموجود هناك، بس اخترنا الكوفي شوب لأن حبينا ناخذ شي خفيف . .