مساكن وصبحكن الله بالخير والسرور والعافيه
انا حجزت الفندق عن طريق موقع www.booking .com مع الريوق وكان وايد حلو روتانا شاطي العقه (الفجيره)
رتبت مع موظفه تشتغل معاهم العشا وطلبت عندهم كيكه وبيكون كل هذا موثق بالصور والاسعار وبنبتدي خطوه خطوه
معلومه : الكاميرا تيلفون n95 لاني نسيت كيمرتي وتذكرتها فالفندق
حجز الغرفه كان ب600 درهم مع الضرايب طلع علينا 720 درهم
تاريخ الرحله كان 16-03-2017 الساعه 5 العصر
يالله استعدن بنات
بسم الله
الصوره الاولى الغرفه كانت مع بلكونه وهذا مدخل الغرفه وكانت فالطابق الرابع الغرفه 1445 وكنا حاجزين عندهم سويت شهر العسل رقم 1402
بس قبلها روتانا ترحب بكم من تلفزيونهم
[IMG]
[/IMG]
وهذا الحمام عزكم الله بس صورت المغسل ………… خخخخخخخخخخخ شو تبن بعد الباقي طبعا تعرفن تفاصيل الحمامات احم احم
وهنيه السرير ويالس عليها طويل العمر وغزلاني فديتها ياربي يتابعون التلفزيووووووووووووون مندمجين وانا اصورهم
وهنيه فالركن البعيد الهادي خخخخخخخ قصدي زاويه هاديه وجميله للاسترخاء ……… اونه الحبيبه رومنسيه
وهذي البلكونه
وهذي جهة الشاليهات
وهنيه عند سيومنج بوووووووووول … ثقافه انجليزيه طال عماركم
وهذي اللقطه من بلكونتي .gif "12 (72)")
اراقب الناس اللي خاطف واللي ياي
ويوم ردينا كان التيلفون يصيح عشان اييبون العشا وفالوقت هذا رقدت بنتي وتفاجا ريلي بالعشا
وهذا عشايه كان سيزر سلط مع عصير ليمون نعناع تفضلوا …
وهنيه عقب ما قضينا على العشا
وعقب العشا اتصلنا على خدمة الغرف يشلون العشا وخلينا الكيكه عندنا عشان نحتفل
وهذي الكيكه عن قرب
وهنيه عقب ما قطعناها
وهذا نصيبي منها
طعمها يعني مب لين هذاك الزود
الموهيم رقدنا ونشينا بدري الساعه 8 ونص بسبب حبيبة قلبي وقلنا نزل نتريق ما امدالي اصور كنت مشغوله مع بنتي بس عشان خاطركن خذت لقطه للمطعم من داخل
ما تهنيت بريوقي بسبب غزلاني كانت تبى ترقد
يلسنا فالحجره ورقدت وتمينا انا وريلي يالسين فالبلكونه وخذت لقطات منها
وهنيه بو الشباب يتامل وصورته
هذي رحلتنا كامله ان شاء الله عيبتكم واستانستوا ويانا بالصور والسموحه على اي قصور فالتفاصيل
المشاركة الأصلية كتبت بواسطة عرق زايد 
تسلمين فديتج واشكر مرورج الحلو نورتي موضوعي
بغيت أسألج روتنا اللي باي اماره؟؟؟
المشاركة الأصلية كتبت بواسطة زوجه الزحمي بغيت أسألج روتنا اللي باي اماره؟؟؟
تسلمين ياربي واشكر مرورج روتانا الفجيره شاطي العقه