اليوم حابه اخذكم تعيشون معايه تفاصيل اقامتنا في فندق قصر الامارات ..
المناسبه :
الاقاامه كانت بمنااسبة .. سلامة يد ولديه حاارب الله يحفظه وطلوعه من المستشفى ..
الفكره والحجز وتكاليف الاقامه .. كله كان من تخطيط وانجاز بوحارب الله يحفظه ..
مدة الاقامه :
تقريبا 3 اياام .. او بمعنى اصح يومين والثالث جيك اووت
بوحاارب حاجز من اليوم اللي قبله فالليل حجز عن طريق التلفوون وعلى طول طرشوله ورقة الحجز ع الايميل
اتصل به الموظف وقااله يفتح الايميل وبيحصل تفااصيل الحجز وفعلا فتحنا الايميل وحصل تفااصيل الحجز ..
انطلقنا للفندق ثاني يوم الساعه 2:00 الظهر .. هااي الصور في طريقنا للفندق :
الاستقبال كان وايد راقي ..رحت مع بوحارب ع الاستقبال وعلى طول يت وحده قدمت لي هالبااقه
.. فيها وردتين .. وحده عطيتها بووحاارب
ويلست اتريا بوحارب لين يدفع
عطوه المفاتيح واوراق الحجز وقالوله اتريا 5 دقايق .. و بتكون غرفتكم جاهزه .. وقالهم يودون اغراضنا
للغرفه دايركت المهم .. يانا المقهوي .. وصب لنا القهوه .. وعقب يابوا لنا ساندويتشاات بس مابغينا وعقب
يابوا لنا حلااوه ..
بعد 00:10 دقايق .. يتنا وحده قالت لنا حياكم للغرفه .. رحناا وياها للغرفه .. وهااي صور في طريقنا للغرفه
وهااي صوره من الانصير .. انا اخاف من المصااعد الزجااج بس هالمره كان الوضع جدا عاادي عندي وكنت
اصور بعد من الونااسه ..
فربنا نوصل الغرف ..
هني خلاص عند الغرف ..
يتبع ان شاء الله ..
هني طالعت من فوق من الطابق اللي نحن فيه وجفت المنظر .. و صورته
وصلتنا للغرفه وقالت الحين بييكم موظف ثاني بحيث يشرح لكم كل شي واذا عندكم اي استفسار خبروه
حيااكم الغرفه ..
وهااه السقف .. على طول اول ماندخل م البااب فالممر الصغيروون اللي يفصل بين الغرفه والباب الخاارجي
وهاييلا مفاتيحنا و اوراق الحجز ..
تميت بعباتي لين ايي الموظف المهم و يه الريال وقعد يسولف مع بوحارب
ويشرح له كل شي ويروويه مميزات .. الغرفه لين يخلص بووحاارب انا كنت يالسه الاعب حرووب ..
ويوم خلص قاله الحين بييب لكم العصير .. وفعلا ياب لنا عصيرتفاح ع ذووقي .. جنهم حااسين فيني
بعد ماطلع الريال .. بوحاارب قالي : (…) هااتي حاارب وسيري بطلي الاجيااس ..
انا ماكنت ملاحظه الاجيااس ووورحت فتحت الاجياس
وحصلت .. تلفونين واحد اي فون 4 جي و الثااني نوكيا
يتبع ان شاء الله ..
السبب ان تلفوني اللي اصور به تقاريري طاح وانكسرت الشاشه لانه طايح ع الرخام.. تميت مضايجه بس
عشان الكاميرا .. كنت احب اصور فيها .. انقهرت م الخااطر وماكنت متقبله اي تلفون غيره الا اذا كان نوكيا
بس هو يبااني اجرب الاي فوون .. وياب وياه نوكيا يحليله يابهم عسبت يراضيني ..
عسب اذا ماعيبني الاي فون استخدم النوكيا بس حبيتهم اثنينهم وهذا كان الشي المميز فاليوم الاول ..
وقررت استخدم النوكيا لين ايبدل لي البطااقه ويخليها بطاقة توأم للتلفونين .. خليناه فالجاارج عسب
استخدمه
وكان يوم حلوو وكاانت اول فرحه بالنسبه لي في هاليوم .. لاني اخيرا اقتنعت ..
والحين برويكم الغرفه كاامله يالله .. يا حيااكن الله ..
هذا واايد حبيته ..
المخداات مريحه وايد
صوره عن قريب عشان خواطركن
و هاي ابعد شوي
يتبع ان شااء الله ..
بوحارب حب هالزاويه يقعد يطالع افلام ويااكل
هذا كاب الغلا انا احب هالكااب واايد ..وووأنا مسمتنه بريهة الرحلات ههه
وهااي قبااضتيه كنت ماخذتنها للعيد .. لبستها لاني لابسه فستاني ماال ثالث يوم العيد وكاان نفس لون
القبااضه هآآي
نواحي ثانيه من الغرفه ..
الثريه عن جريب
وهني صورت السقف كاامل ..
يتــــبع ان شاء الله ..
وهنيه التلفوون و الريموت اللي يتحكم في الغرفه كامله من تلفزيوون واضاءه وغيره
الريمووت عن جريب ولازم تخلوونه فالجاارج ..
وهني التلفزيوون مجاابل الشبريه وموقعه حلوو .. بالنسبه للشبريه والقعده اللي قلت لكن حبها بووحارب
المكتب
.. بتحصلون ع المكتب التلفوون الثااني والانترنت و مجلاات ..
يتـــــــبع ان شاء الله ..
هذا تحته مباشرة موجود الميني باار ..
الميني بار ..
وفالادراج بتحصلوون الخفاايف ..
ومب ساد اللي في الميني بار شي غراش سبير للاحتيااط خخخخ
وشي كاميرا .. ومااوس و جارج وغيره في هالدرج ..
ولكن الشي اللي حبيته واللي لفت انتبااهي بالرغم من كل شي .. سيادة الصلاه الموجوده في الكبت
وفيها بوصله تدلج ع اتجاه القبله وايد حلووو ..
وشي اكيااس وبرووشاات و علاقاات للملابس وغيره
وهذا الحماام ..
يتبع ان شاء الله ..
شاور جل وشاامبوو وبوودي لووشن .. وغيره
وو صاابوون ..
يتبع ان شاء الله ..