رد هام : مشكلة أبوي .للعبرة .بالذات لآم منصور

يارب سامحني .. أول مره بطرح القصة ..بس لما شفت موضوع ام منصور ..استرجعت ألم السنوات
من تجربة إحدى الصديقات:
الريال المصلي .. الريال اللي له وعليه وما اقدر اوصفه اكثر لانه انسان معروف

الله لا هناها دنيا وآخرة اللي كانت السبب..قلبته علينا في البداية مسجات .. وشكينا ..بس ابوي انقلب انسان ثاني

حتى المصحف صار ما يمسكه .. شكينا انه مسوين له عمل والمصيبه انها مواطنه وجارة واخت خوى جنبها يارب حسبي الله عليها

صار ابوي يخاف منا ومني بالذات صار يطلع نص الليل .. لا وساعات يجبرنا كبار وصغار نروح معاه

صار ما يشرب الماي من يد اي احد يخاف ويوسوس ..

كنا شاكين فيها ولما تاكدت منها رحت البيت انا ووحده من خواتي هددناها وكلمناها بالعقل والحيه قامت تصيح وتحلف ان ما لها علاقه بابوي…طبعا اكيد خبرت ابوي ان رحنا لها مع اختي فشفته فتره صار هادي وصار شوي زين معاي مع اني توقعت العكس!!

بس الحقيره كانت تجيب لابوي ماي عن طريق اخوها ويقولون له لازم تشرب اهل بيتك منه ..

بس على منو ؟؟؟ ما شربنا واللي زاد الطين بله ان امي لما خافت من الماي قامت وصبته في كوب لابوي من دون ما يدري وشربه …شربه ..ياليته في بطن الحية زقوووم يارب

الكلام هذا كله في ست شهور..بعدها ردت علاقتنا شوي زينه مع ابوي .. بس شهر رد زين..حتى طلب مني اسافر معاه انا وخواتي للعمره خصوصا بعد ما كلموه اخواني الشباب لما شاوفا عنده اوراق من عندها طلاسم وحرقناها

وانتها موضوعها وظنينا انها محطه او غلطة …ورد ابوي مثل ما كان

بس…

عقب صارت المصيبه …الله لا يبلي مسلم وحسبي الله عل اللي تسبب عليك يالغالي..

ابوي تعب وما عرفنا شو فيه …من تشخيص لتشخيص …..

لاحولا ولاقوة الا بالله …شخصوا حالته بالسرطان حتى الدكاتره انصدموا من السرعه اللي صار فيها المرض وكيف انتشر بجسمه كاااامل …..بعدها بست شهور..مات الغالي …رحمة الله عليك يا ابوي والله اني للحين احس انه مسلسل ..مو مستوعبه اللي صار

اذبحوك عني .. وانا متاكده انه ما مات الا بسحر او عمل او ماي كانوا يبون يأذونا فيه

حسبي الله ونعم الوكيل…الله لا هناها لا دنيا ولا آخره …

نصيحتي لج يا ام منصور…تخوفون ابوج منها لا تكلمينها ولا تهددينها لا تسوي للبيت كله عمل او سحر

لو تعرفن طريقة اتحاولون اطيرونها فيها من برا البلاد يكون احسن بس من دون لا تحس ان بسببكم

اذا المواطنه والجارة عفست حياتنا فكيف بهالاشكل …

واحنا ترا للحين مو مترقعين خصوصا انا وامي امي طلع لها ورم وشالته الحمدلله

ودعواتكم لي ..لان التحاليل المبدئيه لي بالمستشفى ما تبشر بخير ..

وعلى فكره … حتى اقرب الناس لي من ربيعاتي ما يعرفون هالقصه ..بس نشرتها هني للفايدة والعبرة

(والله المستعان على ما تصفون)

أسأل الله العظيم رب العرش العظيم أن يشفيج أختي الغاليه .. ولا يراويج مكروه بإنسان غالي عليج والله يرحم والدج … ويحفظلج والدتج من كل شر ….

أسأل الله العظيم رب العرش العظيم أن يشفيج أختي الغاليه .. ولا يراويج مكروه بإنسان غالي عليج والله يرحم والدج … ويحفظلج والدتج من كل شر ….

الحرقة في قلبي على ابوي ودي اذبح الله كانت السبب

تسلمين عزيزتي

ابوي الله يرحمه خلاص

والله يكتب لي اللي فيه الخير

تسلمين الغاليه الله يبعد الشر عن الجميع