رزه الفيس من طبايع التيس

هلا بنات شخباركم ..

ربيعتي عندها مشكله وحاشرتني ربيع اخوها معاه من يوم هم صغار (في الشعبيه)
المشكله ان ربيعتي انتقلوا من الشعبيه وسكنوا بيت ثاني وربيع اخوها تم في نفس الشعبيه والولد يدرس في جامعه عيمان ويشتغل في دبي بعد فتره طلع لهم بيت في بوظبي وطروا اهله ينتقلون بوظبي لان الشعبيه بيشلونها وهو مايقدر يهد الجامعه لان الجامعه في عيمان ولا دوامه لان من هالراتب اللي يحصله يصرف على اهله وهم ناس على قد حالهم واهل الولد ساروا بوظبي والولد طلب من اخو ربيعتي انه يسكن عندهم في البيت لين مايحصل له مكان وهو يدخل البيت الساعه 11 ونص يوم الكل راقدين ويطلع قبل ماينشون ومحد يعرف انه ساكن في بيتهم غير ربيعتي واخوها لان الولد مايقدر يسير بوظبي والحين الولد في بيتهم من شهر وشوي واخو ربيعتي يستحي يقول له اطلع من البيت(كاش في الفيس) ومب عارف كيف يقول له والبيت فيه بنات ..

مع العلم عنده اهل في عيمان وعنده اهل في الشارجه ..

عطوني حل دخيلكم ..

المفروض هو يحس بهالشي..

انا بنظري ان اخو هالبنت كل ماييلس ويا ربيعه يحاول يسوي عمره مشغوول واايد مع اهله .. يعني كل شوي اخته تدقله وهو يستأذن من ربيعه .. ولو يقول له اسمح لي واايد مشغول مع االاهل .. يمكن يحس فيها شوي ..

والله المستعان

مم والله صعبه .. يعني لو يحط اخوج نفسه مكان هالولد ميبي مايروم يسير عند اهله وفنفس الوقت بعد انتو بنات يعنني ماينفع يتم عندكم .. الله كريم سيس الله يفرجها ان شاء الله ويحصل له الولد مكان يبات فيه في اقرب وقت ^_^

سوري كنت اتحسبج اني صاحبة الموضوع طلعت ربيعتج

احسن حل انهم يبيعون البيت الي في بوظبي

ويشترون لهم بيت في الشارجه او عيمان بفلوس البيت

ويسكن ويا اهله في بلادهم

اذا يريدون يبيعون بيتهم بييبلهم شراي من باجر

وبعدين فيه سكن في الجامعه يقدر يتم فيه

الغاليه هو مايبى يسكن في السكن مال الجامعه (البرستيج مايسمح ) لان يوم بيطلع الصبح حق الداوم وااايد زحمه وبعيد ..

والله مادري شو اقولج الصراحه ..

لو اخو ربيعتج مأمن في ربيعه ويعرف انه ريال والنعم .. جان ما خلاه من اولها يتم في بيتهم .. وخصوصا انهم مب حاسين بوجود الولد في بيتهم ..

ماعرف الصراحه .. بس انا لو كنت مكان اخو ربيعتج .. بخليه يرقد في الميلس اللي يكون عادة منعزل عن البيت .. وبجي هو ما بيتعرض للبنات .. وارد واقول .. دام اني امنت فيه من البدايه .. معناته انه ريال زين وبيصوون العشررة ..

ولووو اخو ربيعتج وايد متضايج من وجود الريال .. يقدر يفتح وياه سالفه انه يسكن في شقة .. لان كل دوام فيه شي اسمه (بدل سكن ) يعني بدل ما ياخذ بدل السكن .. يأجر شقة على حساب الدوام ..

اوووو حل ثاااني ..

ان اكيد فرص الشغل في بوظبي احسن .. واتم المح له بهالشي .. وعقبها اشجعه يقدم في بوظبي .. وترا جامعه عجمان لها فرع في بوظبي .. يعني بيقدر يكمل دراسته وهو عند اهله ..

وان شالله اكون فدتج

أساسا" هم من البدايه اكرموه ودخلوه البيت ،، الحين مالم ويه يظهرونه

ماعرف شقول هو غلطان وهم غلطانين