رسالة لكل زوجة سعيدة لتكوني أسعد وأبعد عن المشاكل

^
^
^
^

ما أعرف أحط مقدمات !!

نخش في صلب الموضوع ..

حبيباتي ، أنا ملاحظة وبشدة ان بعض العضوات المتزوجات تفصح عن حبها لزوجها

وحبه لها وذلك يظهر جليا من خلال ألقابهن وردودهن على المواضيع !!

والله ما قلت هالكلام إلا لأني أحبهن ولا أبغاهن يتعرض للي تعرضت له صديقتي ..

صديقتي تقول :

أنا يا أخوات كنت أحب زوجي بشكل جنوني وزوجي كذلك ، واستمر هالحب حتى بعد

ما أنجبت ولدي بسنتين تقريبا ، كانت السعادة ترف فوق بيتنا ، وحصل مرات كثيرة

تكلمتأمام الناس اللي أعرفهم واللي ما أعرفهم عن حياتي وما كنت مدركة انه في

أحد يعاني بسبب الزواج ، سواء متزوجة وتعاني المر من زوجها أو مطلقة أو على

قولتهم عانس بلغت من العمر مبلغه وما أحد طق بابهم ، وللأسف أصابتنا عين ما

نعرف مصدرها !!

وبدأت المشاكل تتحاذف علينا من كل جهة ، المشكلة تطلع لنا من لاشيء !!

وزوجي بدأ يحس بالنفور مني ومن البيت وما عاد مثل أول !!

بيتي اللي انقلب 180 درجة كل يوم تحل فيه مشكلة ، غير اني بديت أكره

الجلوس فيه ، وزوجي ما بقى إلا ينام خارج البيت !!

وانقلبت حياتي السعيدة لحياة تعيسة ، وكله بسبب جهلي ولساني اللي جنى علي !!

وأنا لازلت ليومكم هذا وأنا أعاني بعد ما أنجبت بناتي واللي مجنناتي و تركوني أكره

حياتي هن واخوهن ، كل ما كبروا كل ما تفرعنوا أكثر …!!

هذي بلسان صديقتي الله يفرج لها ..

صدقيني يا غالية ، انتي يمكن تضرين أنفسك من دون ما تحسّين !!

ربما بلقبك أو بمواضيعك أو بردك على موضوع ما ..!!

وهذا ليس فقط في المنتدى بل حتى في حياتك .. مع أقاربك .. صديقاتك !!

تخيلي معي لا قدر الله انك كنت من ضمن الزوجات المظلومات اللي يتعرضن

للتعذيب والاهانة والتجريح ، أو يمكن الضرب من قبل الزوج !!

تخيلي لو أنك مثلا ما تزوجت أو تطلقت لا قدّر لأجل سبب ما .. أو من دون سبب !!

وقريتي ردود الزوجات السعيدات وش بيكون شعورك !!

وش بتحسّين فيه !!

كلامي هذا موب انتقاص لغير المتزوجات أو المطلقات ، بالعكس والله اني أدعوا

الله ان يرزقهن بالزوج الصالح ، ويعوضهن بخير ، لكن العين حق ، وربما تطلقها

من دون قصد ..

لذلك نصيحة حاولن تكفـــّن من هالسوالف حتى تعيشن بسعادة ومن دون مشاكل ..

وأدعوا الله ان يتمم عليكن ، ويرزق اللي ما تزوجت ويعوض المطلقة وتعيش نساء

العالم بسعادة ..

.. تحياتي ..