تحيدن.يوم نزلت موضوع عن ربيعتيه..بعنوان..
(ربيعتي متزوجة..وترمس واحد بالأيميل..)
https://forum.uaewomen.net/showthread.php?t=276300
والصرااحة أنا ما خليتها..تميت وراها..
بس لفترة أستوت فترة جفا بيني وبينها..واليوم تتخبرني بحالها..وقطعت قلبي..فقلت لازم أنقل لكم الرمسة كلها…
حتى تكون عظة وعبرة لكل وحدة أخطأت بحق الله وبزوجها وبيتها..يعني للأسف ..خائنه…
(السمووحة منج ربيعتيه..أعرف أنها كلمة كبيرة..بس اللي سويته أكبر..)
هذا الكلام منها وحبيت أنقله لكم ولكن بأسلوبي..القصصي الرائع…أونه..(يقين بوظبي بنت طه حسين..هههههههه)
والآن أترككم مع القصة..
:
(أستمريت مع فلان..وأنا حاسة بالغلط وتأنيب الضمير…بس كنت بصراع..بين أحاسيس حلوة كنت أعايشها وبين ذنب يالسة أرتكبه..بحق الله وبحق زوجي الغافل…
تغير حالي..اهملت بيتي وعيالي بس كنت مراعية حقوق زوجي عسب ما يحس فيني..وكنت كثيرة السرحان..ورجعت للأغاني الهابطة..وأبحث عن الصور الرومانسية والحب وغيره..
وكنت طول اليوم يالسة على النت..اتريا منه الرسايل.
.حسيت بحياة ثانية..وأنا أحس أنها زايلة..بس الهوى..صعب..صعب الجهاد بالهوى…
وأستمريت معاه…لكن هو ريال عايش حياته..يضحك..ومستانس..وأنا محترقة..
وبدأت نفسيتي تتعب..أسأل نفسي لمتى..؟؟؟
حتى يته فترة قام يطرش لي رقم موبايله..ويتراجني أني أدق له..ويلمح لي أنه يشوفني..
لكن..
حسييت نفسي..صدق..حقيرة..لهاي الدرجة وصلت..
وبديت أفكر..!!
سبحان الله يمكن تييني سكرة الموت بهاي اللحظة…كيف خاتمتي بالزنا..كيف بواجه ربي….
.يالله..أو سويت حادث وياه..يا فشيلتي بين العربان..وبين هلي..كيف بعيش..أتمنيت أن الأرض تنشق وتبلعني..أنا شو سويت بنفسي..؟؟؟
كمن مرة لمحت له..خلااص أبعد عني…لكن كان يقول لي..انا شرات أخوج…؟؟
.الصرااحة أنا كنت أفضفض له عن حياتي السابقة اللي عانيت منها وعن نفسيتي وعن أمور خاصة بحياتي يمكن ريلي ما يعرفها….مأزمتني وااايد..!!
أريد أتكلم بس أخااف..فاقدة الثقة بكل حد..تصدقون حتى بريلي….؟؟؟لا تسألوني ليش؟؟؟؟
واستمرت العلاقة..وبديت أحبه..وتعلقت فيه…واتريا رسايله بفارغ الصبر…..
.بس هو ريال كبير مش فاضي واايد للرسايل ويلسة النت…؟؟وكنت أنقهر..أحس أني اربع وراه..وأني شراة الطرطورة…
بس هو على فكرة ماسك منصب كبيير…هب طااع يخبرني..قال لي..ما ينفع بالنت..لازم بالموبايل..؟؟؟وأنا حسيت جذا..بس..ما سمعت شوره..؟؟
وأستمرت العلاقة..وأنا بصراع جدام الأهواء..أشوف ريلي..شالني شل…ويموت فيني..حتى اللقمة يحطيها بحلجي…….وأنا بعذاب..ليش..شو تبغين من الخيانة يا فلانه..شو ناقصنج..؟؟
(تصييييييييييييييييييح)
أتخيلو..أسهر للفجر..وياه..وراس ريلي على ريولي..ما يطيع يرقد بالغرفة يترياني..عسب أخلص..ونسير نرقد مع بعض..
يالله…شفتو الوقاحة والخيانة اللي أنا كنت فيها..يارب ثبتي..سترت عليا…فلازم أستر على نفسي..
أحس نفسي حقيرة أستاهل الرجم..باللي سويته بنفسي..ظلمتها وظلمت ريلي ويايه…
كل يوم أنوي على التوبه..وخلاص ما أطرش له رسايل….
لكن من أشوف أسمه يحدر أيميلي..أحس بإحساس ثاني..وأرد عليه..وأتم أعيش وياه بأحلام وردية للأسف ساعتها وبس..وأنا أعرف أنها زائفة..!!
واستمرت العلاقة بحدود شهرين..وسافرت مع ريلي وعيالي…وقلت أله بنقطع بالنت عنك…
وكان ريلي معيشني بحياة وردية رومانسية بالسفر..
بس للأسف كان بالي مع فلان..كنت مشتته الذهن…أصيح لريلي بدون سبب….
أصييح من الخاطر..واقوله..ارجووك لا تودرني مهما صار وأستوا..طبعا ريلي يستغرب…ويتم يهون عليا …..
.وأخبره أن نفسيتي تعبانه…وييسر لي كل سبل الراحة والرومانسية..وما يخلي شي بخاطري…حتى وده..ان يشلني ما يخليني أمشى…
آآآه يا ريلي يا حبيبي…(تصييييح…)
وما تتخيلون..اني كنت أخبره أريد أدخل النت…..كان يوديني أماكن النت..وييلس يتراني ..وأنا أراسل فلان….شفتو الخيانه…
…يالله…يا حبيبي يا ريلي..يالله يا غافلين لكم الله..سا محني يا غناتي…!!
وتخيلو لما حدرنا بفندق ثاني…خله خدمة النت..وأستوا عليه الشارش بالخدمة..وهو يدفع المسكيين…
سامحني..يا ريلي..أدري أستاهل الرجم..!!
واستمر الصرااع بداخلي..عذاب ×عذاب…
أموت لما أشوف رسايله..أصيييح…(وفعلا تصييح….)
لحد ما يتني الشجاعة..في هذي الليله أصر إني أرمسه..وزعل..
.وما قام يطرش لي رسايل..أتأزمت..بنفس الوقت..أحتقرت نفسي..
وقلت خلاص..خلاص….لمتى هذا العذاب..الله ستر علي…وأخاف عقابه…
قمت وطرشت له رسالة طويلة وعريضة..
ابين له أني خلاص تعبت..ومش رايمة أكمل وياه..وأخااف من أهلي يكتشفون أمري..وأهلي ما يرحمون…
وفعلا ما جذبت..وأترجيته أنه يستر علي..وإني خلاص ما برد على رسايلك..لأن حياتي أستوت رعب من أهلي..
وأخاف عليه هو من منصبه..وأخاف على نفسي..
رد علي.برسالة طويلة وعريضة..ان هو يتأسف..من اللي صار..وأن هو ما بينساني..وبيستر علي…وأتمنى لي الخير بحياتي..ووصاني على نفسي..وعطاني رقم موبايله مرة ثانية إذا أحتجت له بشي..أتواصل وياه…
على طول مسحت الرقم من الخووف… وتمييت أصيييح وأصييح…(وتصييح)
شو سويت أنا..ليش تعلقت فيه..بس..ما رديت على رسالته….
.ومن يومها وهو مايطرش رسايل…أرتحت..رجعت لريلي فديته..
ودوم أصيح بدون سبب..وهو مستغرب..أتعذر له بأي عذر.
.والحمد لله إنه ما يعرف اللي بخاطريه..
يا حبيبي يا ريلي..
عشت أيام صعيبة…
كل يوم اشيك على أيميلي..وأنا ارتجف..اخااف أضعف أوطرش له رسالة إذا شفت رسالة منه..لكن الحمد لله..ما يطرش لي أي رسالة…
الحمد لله سترت على نفسي وعلى أهلي وريلي…
لكنها ايام سووده أنا عشتها…بصرااع وعذااب نفسي..وصيااح ..كنت أتمنى الموت..!!!
بس الحمد لله عدت الأزمة على خيير…وحطيت ببالي ما احدر أي منتدى ..إلا منتدى سيدات الأمارات وبس..فديتك يا منتداي الغالي..
آآآآآآه يا ضمييري..الحمد لله إنك صحيت قبل فوات …
(…وتصييييييييييييييييييييييييييييييييييييييييييي يييييييييييييح)
هذي رسالة ربيعتيه.
.خبرتني أكتبها عبرة وعظة لكل وحدة وبالأخص المتزوجة…
سبحان الله يا خواتي..الإنسان لا يتشمت..وهذي دنيا..وقلوب..ممكن أنها تنقلب..وتتقلب..فدائما ندعي..(يا مقلب القلوب..ثبت قلوبنا على دينك.)
والسمووحة منج..ربيعتيه..والسمووحة من اليميع..
أختكم..
يقين بوظبي،،،،،
ومن رايي اذا بعدها ما حذفت ايميلها خليها تحذفه .. في خاصيه فالايميل انها تسكره
وبهالشي نفسها ما بتسولها انها ترد … تعرفين الشيطان شاطر ..
قصة مؤثرة لآن فيها صياح..بس أنا استفدت منه..وهذا اللي عنده منصب عووود أحس انه متزوج
يعني خونه..
النت وبلاويه…ونحن نركض وفجأه نستوعب انه غلط وبعدين نركض…وما أدري شوه هاللقافه واحد يعطيج رقمه
يعني بيفضحج أكثر..وغباءنا نحن الحريم نتحرى ان قربنا منهم بننستر..ما نتدري ان بننفضح أكثر
يارب استر علينا ولا تفضحنا ياحي يا قيوم
تسلمين يا يقين بوظبي
المشاركة الأصلية كتبت بواسطة روح الــــورد 
ومن رايي اذا بعدها ما حذفت ايميلها خليها تحذفه .. في خاصيه فالايميل انها تسكره
وبهالشي نفسها ما بتسولها انها ترد … تعرفين الشيطان شاطر ..