خواتيه بتخبركن ,,
عندي ختيه توها مربي وترضع ولدها رضاعه طبيعيه وتبى تدخل رضعه صناعيه وحده في اليوم,, وهيه تسال هل الرضعه الصناعيه ممكن تنشف والا تقلل الحليب؟؟ واذا لا شو احسن وقت للرضعه الصناعيه فليل والا في النهار ,,
نترياكن ^.^
بنسبة للرضعة الصناعية ماتنشف الحليب
افضل تعطيه فالبداية بالنهار علشان اتشوف مدى تقبله للحليب وتستمر عالرضاعة الطبيعية حق مناعة الياهل احسن
"من وثق بالله أغناه ومن توكل عليه كفاه "
انا حليبي نشف عقب 3 شهور
لكن افضل وقت للرضاعه الطبيعيه علشان ماينشف الصدر هو الليل يعني بعد الساعه١٢ لان في هذا الوقت ينشط الهرمون– انا كنت اتعب لان ولدي كان يرقد وانا ارضعه علشان جذيه قمت اشفط وارضعه اسهلي وزاد حليبي والصناعيه اعطيها له الفجر بعد الصلاه علشان يشبع ويرقد عدل–يختي انا مارتحت الا يوم عطيته رضعه كامله ماي وشويت شكر خفيف لان الماي كان يخفف الغازات ويريحه لكن لاتتخمينه –مثلا هو يشرب صناعي ٦٠ مل انتي عطيه ماي ٣٠ مل قبل المغرب ووحده ثانيه فالليل بترتاحين واايد —