رعب الآيلس

بنات قبل لاحد يلومني أنا أعترف إني جبانة…بصراحة كان عندي إمتحان آيلس يوم السبت اللي طاف يعني أول يوم رمضان…تخيلن!!!! طبعا طقعتلهم وماسرت وشكلهم كانوا يبون الفكة حتى محد اتصلبي ولاحد سألني ليش ماييتي!!! المهم أنا ما سرت لسببين : الأول إنه صادف إمتحاني أول يوم رمضان وبصراحة حسيت صعبة أروح خص أنه كان يوم السبت يعني وييكإند…ونحن مانصدق متى أيي الويكإند..السبب الثاني وهو الأقوى إني من كثر ماسمعت عن طبيعة الأمتحان وصعوبته يتني حالة رعب وحسيت إني لو سرت أمتحن بستوي نكتة هناك..ومابعرف أمتحن listening ,speaking وأخوانهم…يعني بستوي هناك لا أرى لا أسمع لأأتكلم…خص أنه قبل موعد الامتحان بخمس أيام أتصلتبي وحدة من الجامعة تقولي أونه إمتحانج حق speaking باجر!!!! ويوم سألتها ليش جاوبتني بعصبية لأنه يوم السبت بيكون واااايد زحمة و عصبت يوم قلتلها لأ ماقدر…خوفتني زيادة الله يسامحها
واستغربت لأنه أي حد يمتحن آيلس يدفع فلوس يعني مب بلاش عشان يأجلونه عكيفهم!!! صراحة أنقهرت منها واااايد…وبعدين حد يقول الآيلس سهل و حد يقول صعب…والله ماعرفنالهم!!
إللي امتحنت آيلس رجاء تفيدنا وتكتب بالتفصيل الممل عنه…يزاكن الله خير مقدما وإنشالله لي بتساعدني
وبتخبرني عن الأمتحان يعله صدقة انشالله عنها…لاتنسني فديتكن

ان شاءالله البنات يفيدونج ياالغالية

هيه الغاليه بفلووس اكيد

كل شي بفلوس هالاياام

ب 800 درهم

وهالامتحان دولي ولازم تروحين تمتحنين ع الموعد

انا امتحنته قبل وكانو يبون مني 5.5 بس للأسف يبت 4.5

الصراحه فيه صعوووبه ولازم تكونين سريييعه وتركزيييييين ما تتخيلين كيف الوقت ضيق لو تحلين اي شي المهم تحلين

ركزي في الاسأله لانها مب مباشره

وصدقيني هوه امتحان انجلش عادي بس يبااااله تركيز وسرعه وبس
وألحين رديت سجلت وامتحاني 26-9

ودعواتكم وربي يوفقج

مشكوووووووورة ياأحلى دانة…أنا بعد طالبين عليه 5.5 بس مادري ليش حاطة فبالي مابييبها!!! خلاص فديتج إمتحاني طاف موعده والحمدلله ماسرت..خبريني كيف جو الامتحان؟؟ مختلط؟؟ وعن شو سألوج في الإسبيكينج؟؟؟
وإذا أنتي من بوظبي قوليلي وين امتحنتي؟؟؟ موفقة فإمتحانج..يارب اتيبين فوق لي طالبينه…بسألج كيف تدرسين للإمتحان؟؟ لنه قالولنا فالمعهد أنه ماشي له كتاب معين تدرسين منه..عشان جيه أحس نفسي ضايعة و متشتته ماعرف كيف أدرس..دخيلج ردي

حبيبتي خلودأشكرج عالرد اللطيف..حتى ربيعاتي كلهن قالن لي نفس كلامج..بس أنا ماريد أسير وأنا مب واثقة من إمكانياتي اللغوية…خلود..أبعرف كيف تدرسين للآيلس؟؟ الأستاذ فالمعهد قالنا أونه تابعوا أفلام أجنبية و اقروا قصص بالأنجليزي…الله يسامحه ماعطانا كتاب ندرس منه!! مع أنه قبل التسجيل قالولنا المعهد بيوفرلكم كتب بتفيدكم وماجفنا شي!!!

والله عندي الايلس اسهل بوايد من التوفل ,,
انا التوفل معاناه لين يبت ال 500
دخلت امتحان الايلس بدون ماعرف شو سالفته بس سالت البنات و قالولي غير عن التوفل لان فيه رايتنغ و فيه سبيكنغ ,, والله اني دخلت الامتحان جي بدون مراجعه ولا شي ,, و الحمدلله يبته من اول مره 5.5 بس ما حسيت
فيه صعوبه ابدا ,,
والله انتي نفس اختي ,, اختي حشرت الدنيا علي تباني اعلمها عالايلس و جي بس نسيت هههه لاني امتحنته مره وحده و ما كانت عندي خلفيه عنه حتى ,, فالحمدلله اختي يابته الاسبوع اللي طاف من ثاني مره ,, بس انتي حاولي تروحين و جي والله انه ما يخوف ولا شي ,, عادي ,, انا اللي وترني زياده الاسبيكنغ لان عادي تييج اساله عبيطه عن التكنولوجيا و جي ,, و الحمدلله ياني سؤال سخيف و تفلسفت عليهم و طلعت ,, توكلي على الله و لا تخافين ,, صدقيني ما يخوف ,,