اليوم حابه نتناقش هالموضوع وهو القصة الاولى انه الاهل احيانا يقصدون يرفضون العريس ليتقدم لبنتهم وذلك بسبب مثلا الحالة المادية انه اهل العروسة مبسوطين كثير ويملكون الاراضي والمشاريع ويخافون بالمستقبل انه بنتهم تطلب حقها بالمستقبل لهيك بحاولون انه يفسدون اي عريس بتقدم لها.
والقصة الثانية انه اهل البنت يرفضون العريس بسبب حالته المادية او انه ما هو مبسوط كثير مثلهم رغم انه متدين ومحترم ومتعلم
مين فيكم يابنات مرت في احد القصتين
ياريت تشاركونا ارائكم واراء من يعانون من احد القصتين
انا ما مريت بهالشي ولكنه جايز يصير ..
و طبعا الشي غلط في نظري اهم شي الاخلاق والدين هو الي بينفعهم ثنينتهم وينفع عيالهم
ماله ومالها مابينفعهم بشي لا دنيا ولا اخره والمال لا يجلب السعاده
المشاركة الأصلية كتبت بواسطة twinkle star 
انا ما مريت بهالشي ولكنه جايز يصير ..
و طبعا الشي غلط في نظري اهم شي الاخلاق والدين هو الي بينفعهم ثنينتهم وينفع عيالهم
ماله ومالها مابينفعهم بشي لا دنيا ولا اخره والمال لا يجلب السعاده
صحيح اختي المال لا يجلب السعادة اهم شي الاخلاق والدين
اكيد اذا كانو تجار يبغون لبنتهم زوج من نفس مستواهم مع انه مب شرط غني يعني بيسعدها بالعكس في اغنيا بس ايدهم ع فلوسهم ..
وساعات يكون في اسباب ثانيه تتعلق بالعادات والتقاليد
بإختصار عادات وتقاليد
و مشكلتنا الثانية بعد أن إحنا وايد حساسات و نفسر رفض الأهل بطريقة عاطفية درامية !!!
ما في أهل في هالدنيا ما يتمنون أن بناتهم يتزوجون ، و للأهل و كبار العايلة نظرة خاصة للعريس أحنا البنات ما نشوفها غالبا ، و ياما بنات عاندوا أهاليهم و تزوجوا و عقبها تطلقوا و ندموا !!! و الي تعاند الاهل سبحان الله ما تتوفق …
مادري متى بنتعظ و نعتبر و نسمع كلام أهالينا ؟!
طبعا أنا أتكلم عن الموضوع بصورة عامة و عن أهالينا بشكل عام ،،، ما أتكلم عن المظلومات من أهاليهم من صغرهن لأن هذيله حالة خاصة و إستثناء … و لا اتكلم عن الي اهلها طمعانين و تهمهم الفلوس الخ الخ … لان في حالات كثيرة البنت عاندت اهلها و تزوجت واحد و توفقت و بالأخير انما الاعمال بالنيات …